داغلیق قاراباغ مناقیشه زوناسیندا اینسان اؤلوملرینین قارشی‌سینی آلماق اوچون بین الخالق اجتیمایعت ارمنیستانا تضییق گؤسترملی‌دیر.

بونو ترند-ا روسییا پرزیدنتینین سلاحیت‌لی نماینده‌سی، رف-نین اجتماعی پالاتاسینین عضوو، پولیتولوگ سئرگئی مارکوو دئییب.

او بیلدیریب کی، تضییق دیپلماتیک، سیاسی، پسیخولوژی، حتی اقتصادی یوللا اولمالی‌دیر:

"ارمنیستان- آذربایجان، داغلیق قاراباغ مناقیشه‌سی قاینار حساب اولونمور، اما دوندورولموش مناقیشه ده دئییل. زوراکیلیق حاللاری دا بونو تصدیق ائدیر. حرب‌چیلرله یاناشی، دینج ساکینلرین ده اؤلومو بو موناقیشه‌نین اؤلدورمه‌یه داوام ائدجیینین بیر ثبوتودور. اونا گؤره ده تعجیلی صورت‌ده دانیشیقلار ماساسینا اوتورماق لازیمدیر. مینسک قروپو ارمنیستانا تضییقی آرتیرمالی‌دیر کی، طرفلر دانیشیقلارا باشلاسین و کومپومیسس الده ائتسینلر".

س. مارکوو قید ائدیب کی، مناقیشه زوناسینداکی حاضیرکی وضعیت ارمنیستانا صرف ائدیر: «اونا گؤره ده ارمنیستان کومپرومیسین الده اولونماسینا مانع اولماغا چالیشیر. اما همین دؤوردن بری قوه‌لر بالانسی دییشیب».

قید ائدک کی، ایولون ۴-ده آخشام ساعتلاریندا اره‌نی سلاحلی بیرلشمه‌لری فضولی رایونونون آلیخانلی کندینی مینااتانلاردان آتشه توتوب. تخریبات نتیجه‌سینده آلخان‌لی کند ساکینلری - ۱۹۶۶-جی ایل توللودلو آللاهوئردیئوا صاحبه ایدریس قیزی و اونون نوه‌سی ۲۰۱۶-جی ایل توللودلو قولیئوا زهرا ائلنور قیزی هلاک اولوب، ۱۹۶۵-جی ایل توللودلو قولیئوا سلمیناز ایلتیفات قیزی ایسه آغیر یارالانیب.