ایزمیر آذربایجان مدنیت و همرای‌لیک درنیی ارمنیستان اوردوسونون آذربایجانین یاشاییش منطقه‌لرینی آتشه توتماسی نتیجه‌سین‌ده مولکی شخصلرین اؤلدورولمه‌سی ایله باغلی معلومات یاییب.

دیاسپورلا ایش اوزره دؤولت کمیته‌سیندن آخار. آذ-آ داخیل اولان معلوماتدا بیلدیریلیر کی، بیانات‌دا ایشغالچی ارمنیستانین خوجالی فاجعه‌سی ده داخیل اولماقلا بیر چوخ قانلی تخریباتلار تؤرتدیی قید ائدیلیب. وورغولانیب کی، ارمنیستان سلاحلی قوه‌لری طرفیندن آذربایجانین فضولی رایونونون آلخانلی کندینین ۸۲ و ۱۲۰ میللیمترلیک مینااتانلاردان و دستگاهلی قومبارااتانلاردان آتشه توتولماسی نتیجه‌سینده صاحبه آللاهوئردیئوانین و نوه‌سی زهرا قولیئوانین قتله یئتیریلمه‌سی ایشغال‌چی اؤلکه‌نین تئررورچو ماهیتینی اورتایا قویور. ارمنیستان دؤولتینین یوروتدویو ایشغالچیلیق سیاستی رئگیوندا ثابتلییه منفی تأثیر ائدیر، مناقیشه‌نین حلینه مانع اولور.

بیاناتدا، همچینین دونیانین آپاریجی دؤولتلرینه، بین الخالق تشکیلاتلارا ارمنیستانین تجاووزکار سیاستینه سرت رئاکسییا وئرمه‌یه چاغیریش عنوانلانیب.