آخار. آذ سایتی ابراهیم رشیدی "ساوالان"-ین محمد امین رسولزادنین قادین گونو ایله باغلی قراری حاقدا یازیسینی تقدیم ائدیر.

محمدامین رسولزاده نوروز بایرامینین ایلک گونونو قادینلارگونو کیمی اعلان ائتمیشدی.

بو سئچیم چوخ اینجه و چوخ دقیق بیر توتوم ایدی. ایلین هئچ گونو یازین ایلک گونو قدر، آذربایجان خالقینا عزیز و اؤنملی دئییل. اینسانلار بو گونده، بیر-بیریله گؤروشوب و گله‌جک گونلر اوچون خئییر دوعالار ائدیرلر. بوگونو قادین گونو اعلان ائتمک، قادین مسئله‌سی و قادین حاققینی خالق آراسیندا اورتاما گتیریب، عاییله ایچینه چکیب، دیله-دیشه سالماق اوچون ان‌ اویغون و الوئریشلی سئچیمدیر. بو موضوع بایرام گؤروشلرینده عاییله آراسی دانیشمالارین مرکز نوقطه‌سینه چئوریلدی.
بو آددیم، رسولزاده طرفیندن قادین حاقلارینا وئریلن اؤنمین آچیق گؤستریر.
۱۹۱۹-جو ایلین بایرامیندا، دؤولت طرفیندن قادین گونو آدینا بؤیوک تؤرن دوزنلنمیشدی. او تؤرنده محمد هادی‌نین بو شئعری اوخوندو:
اوزونه، حققینا چکیر پرده

اولموش ایکن سودونله پرورده.

بیز ایرلی آددیملاییر،

یوخسا گئری دؤنوروک؟

قایناق: مناف سلیمانوو، ائشیتدیکلریم اوخودوقلاریم گؤردوکلریم