ایران داغلیق قاراباغ مناقیشه‌سینین حل اولونماسیندا ماراقلی‌دیر و ارمنیستانلا آذربایجانی دیالوگا چاغیریر.

ترئند-این معلوماتینا گؤره، بونو ایران خاریجی ایشلر ناظیرینین نماینده‌سی بهرام قاسمی دئییب.

ایران خاریجی ایشلر ناظیرینین بو آچیقلاماسینا دقت وئرممک اولاردی، اما قاسمی مناقیشه‌نین حلی پروسسینه اوچونجو قوه‌لرین جلب اولونماسینین تهران اوچون «دایمی ناراحاتلیق» مؤوضوعسو اولدوغونو دئییب و امینلیینی بیلدیریب کی، مناقیشه‌نین حل اولونماسی رگیوندا ایستابیللیک و تهلوکسیزلیگی آرتیراجاق.

بؤیوک احتیماللا صحبت مناقیشه زوناسینا صولحمراملی قوه‌لرین یئرلشدیریلمه‌سیندن گئدیر. ایروان اوزون مدت‌دیر کی، صولحمراملیلارین بؤلگه‌ده یئرلشدیریلمه‌سینی آرزولاییر، اونون فیکرینجه بو، داغلیق قاراباغ مناقیشه‌سینده یارانمیش ایستاتوس-کوونو گوجلندیرجک.

دیگر طرفدن، اگر صحبت صولح مراملیلار حاقین‌دا گئتمیرسه، ایران بو مسئله‌ده داها کسکین مؤقع ایفاده ائده بیلر. ایران ارمنیستانین جدی جهدله بؤلگه‌یه جلب ائتمه‌یه چالیشدیغی اوچونجو قوه‌لره مناقیشه‌یه مداخیله ائتمه‌یه ایمکان وئرمیجک.

بهرام قاسمینین آچیقلاماسین‌دا ارمنیستانا دیگر ایهامی اوندان عبارت ایدی کی، ایران شیمال سرحدلرینین یاخینلیغیندا باش وئرن پروسسلری دقتله ایزلییر و مناقیشه‌نین ایران اهالی‌سینه زیان وورماسینا اجازه وئرمیجک.

مسئله اوندادیر کی، صحبت ائتنیک آذربایجانلیلارین سیخ یاشادیغ ایران بؤلگه‌لریندن گئدیر و آذربایجان هئچ بیر حالدا اونلارا قارشی گوج تطبیق ائتمه‌یه حاضیرلاشمیر. ارمنیستان بوتون آذربایجانلیلاری اؤز قان دوشمنی کیمی گؤرور.