اصلینده، بئله گؤروشلر بؤلگه‌ده صولحون، ثابیتلیین و امکداشلیغین اینکیشافین خیدمت ائدیر. هر اوچ اؤلکه قارشیلیقلی ماراقلار اساسیندا امکداشلیق سیستئمینین یارادیلماسینا چالیشمالیدیر. آذربایجان اوچون بونون اهمیتی چوخ بؤیوکدور. اؤلکه‌میز هر زامان بو ایستیقامتده امکداشلیغا حاضردیر. چونکی آذربایجانین خاریجی سیاست ایستراتگییاسی امکداشلیق و طرفداشلیق اوزرینده قورولوب.

بو سؤزلری آخار. آذ-آ آچیقلاماسین‌دا روسییا، آذربایجان و ایران پرزیدنتلرینین تهران گؤروشونو شرح ائد‌ن میللت وکیلی آسیم موللازاده دئییب.

میللت وکیلی حساب ائدیر کی، آذربایجان-روسییا-ایران پرزیدنتلرینین تهران‌دا گئرچکلشجک گوروشو بیر سیرا موهوم پرسپکتیولر وعد ائدیر:

«بو، اساساً اقتصادی و نقلیات ساحه‌سی ایله باغلی اولاجاق. اصلینده ان موهوم مسئله‌لردن بیری ده ایندیکی دؤنمده روسییا-آذربایجان-ایران فورماتیدیر کی، بو سیستمین ده فورمالشماسی باکینین ماراقلارینا اویغدور».

آ. موللازاده تهران‌دا باش توتاجاق ایکیطرفلی گؤروشلره ده موناسیبت بیلدیریب:

«طبیعی اولاراق آذربایجانین بوگونکو سیاستینین اساسینی داغلیق قاراباغ مناقیشه‌سینین حلی تشکیل ائدیر. حساب ائدیره‌م کی، آذربایجان و روسییا پرزیدنتلرینین تهران‌دا ایکیطرفلی گؤروشونده داغلیق قاراباغ مسئله‌سی اؤن پلاندا اولاجاق».

قید ائدک کی، روسییا، آذربایجان و ایران پرزیدنتلری اوچطرفلی گؤروشو نویابرین ۱-ده تهران‌دا باش توتاجاق. گؤروشده اؤلکه‌لر آراسیندا رگیونال امکداشلیغا دایر مسئله‌لر موذاکیره ائدیله‌جک.