بو گون باکی-تیفلیس-قارس (بتق) دمیر یولو خطینین آچیلیش ایله رگیونون تاریخینه قیزیل صحیفه یازیلیر.

آخار. آذ خبر وئریر کی، بو حاقدا میللت وکیلی آیدین میرزه‌زاده قئید ائدیب. میللت وکیلی وورغولاییب کی آذربایجان رهبرلری و عالی قوناقلار ایلک بتق قاطارینا مینیب و الت ایستانسییاسینا گئدیبلر:

«آذربایجان لاییحه‌نین گورجوستان اراضیسین‌دن کئچه‌ن حیسه‌سینین ده تیکینتیسینی مالیلشدیریلمه‌سینی اؤز اوزرینه گؤتوروب. بو مقصدله قونشو اؤلکه‌یه ایللیک ۱ فایزله، ۲۵ ایللیک مدته ۲۲۰ میلیون دوللار کردیت وئریلیب. بتق دمیر یولو خطینین عمومی اوزونلوغو تخمیناً ۸۴۰ کم-دیر. بونون ۵۰۰ کم- آذربایجان، ۲۶۰ کم- گورجوستان، ۸۰ کم- ایسه تورکییه اراضیسیندن کئچیر. دمیر یولو خطینین گورجوستان-تورکییه سرحددینده‌کی حیسه‌سینده اوزونلوغو ۵ کم-ا یاخین اولان تونئل تیکیلیب. مارشروتلا ایلک ایللرده ۵-۷ میلیون تون یوک داشیناجاغی، تدریجا بو رقمین ۵۰ میلیون تونا چاتدیریلاجاغی پروگنوزلاشدیریلیر.

آذربایجانین ترانزیت‌دن ایلده ۵۰ میلیون دوللار گلیر الده ائده جه یی بیلدیریلیر. سرنیشین داشیمالارینا گلینجه، ایلک ایللرده دمیر یولو خطین‌ده ایلده ۱ میلیون اینسان یارارلاناجاق.

ان موهوم گؤستریجی لردن بیری ایسه اودور کی، آذربایجان بتق مارشروتو اوزره حرکت ائد‌جک سرنیشین قاطارلاری اوچون ایسوئچره‌نین «ایستادلئر» شیرکتینه ۳۰ عدد یاتاق تیپ‌لی واگون سیفاریش ائدیب. واگونلار «ایستاندارت»، «کومفورت»، «بیزنس» و «رستوران» اولماقلا دؤرد کاتئقورییادا ایستحصال اولونور. بو، آذربایجان دؤولتینین بؤیوک تاریخی اوغورودور».