روسییانین «زوزدا» تله کانالین‌دا یاییم‌لانان «پورسئس» سیاسی توک-شووسوندا قالماقال باش وئریب.

پوب‌لیکا. آذ خبر وئریر کی، تورکییه-روسییا موناسیبتلرینین موذاکیره اولوندوغو پروقرام‌دا آذربایجان‌لی ژورنالیست فواد عباسوو ارمنی اکسپرت سارکیس ساتوریانلا البیاخا اولوب.

حادثه‌یه سبب ارمنی اکسپرتین تورکییه ایله باغلی سسلندیی تحقیرآمیز فیکیرلر اولوب.

حادثه‌نین گؤرونتولرینی فئیسبوک صحیفه‌سین‌ده یئرلش‌دیره‌ن آذربایجان‌لی ژورنالیست یازیب کی، ۲۰۱۵-جی ایلده تورکییه و روسییا آراسین‌دا موناسیبتلر پیسلشنده بوندان یالنیز اوکیانین او تایینداکی گوجلر ایستیفاده ائتمه‌ییبلر. اونون سؤزلرینه گؤره، هم ده روسییانین داخیلی «فاکتورلاری» هئچ واخت سون ایللرده تورکییه و روسییا آراسیندا یاخشی موناسیبتلری هزم ائده بیلمیردیلر.

«ایکی ایل اول اونلار بیرباشا یاییمدا تورک لیدئرلرینی تحقیر ائتمیی و تورکییه اراضی‌سینی بومباردمان ائتمیی تکلیف ائتمیی اؤزلرینه روا گؤروردولر. روسییا کاناللاریندا موذاکیره‌لر زامانی تورک اکسپرتلرینین فیکیرلرینی ساکیتجه کسه بیلیردیلر. ایکی ایل کئچدی و بو گون ایکی اؤلکه آراسیندا موناسیبتلر اینکیشاف ائدیر، اما بعضی بو موناسیبتلری هر وجهله کورلاماغا جهدلر ائدیر. اونلار کیو واسطه‌سیله، روسییانین اجتماعی شعورونا تأثیر یولو ایله روسییانین تورکییه سیاستینین موسکوا اوچون ضرلی اولدوغونو تقدیم ائتمه‌یه چالیشیرلار. «اولدوز» کانالیندا «پروسئس» پروگرامی زامانی باش وئرن حادثه سون دامجی اولدو... بورادا مسئله حتی میللیت‌ده دئییل. تئررورچولاردا اولدوغو کیمی، تهریک‌چیلرده نه میللیت، نه دین، نه ده ویجدان وار»، - فواد عباسوو یازیب.

اونون سؤزلرینه گؤره، تورک فوبییاسی اولان «اکسپرتلر» همچینین آنلاییر کی، روسییا-تورکییه موناسیبتلری هئچ واخت اوولکی وضعیته قاییتمایاجاق.