آذربایجان رسپوبلیکاسینین پرزیدنتی ایلهام علیئو مایین ۲۹-دا سنگچال ترمینالیندا جنوب گاز دهلیزینین رسمی آچیلیش مراسیمینده ایشتیراک ائدیب.

آخار. آذ خبر وئریر کی، همچینین ۲۵-جی یوبیلی بین الخالق نفت و گاز سرگی‌سینین ده آچیلیشی اولوب، مراسیم سرگینین کئچیریلدیی باکی اکسپو مرکزینده جانلی یاییملانیب.

پرزیدنت ایلهام علیئو مراسیم‌ده نیطق سؤیله‌ییب.

***

آچیلیش مراسیمین‌ده آمریکا دؤولت کاتیبینین کؤمکچیسینین انرژی مسئله‌لری اوزره موشاویری خانیم ساندرا اوودکیرک چیخیش ائدیب.

بؤیوک بریتانییا باش ناظرینین آذربایجان اوزره تیجارت ائلچیسی بارونسا امما نیکولسون بؤیوک بریتانییا و شیمالی ایرلاندییا بیرلشمیش کراللیغینین باش ناظری خانیم ترزا مئیین مراسیم ایشتیراکچیلارینا مراجعتینی اوخویوب.

سفیر ارکان اؤزورال تورکییه پرزیدنتی رجب طایییب اردوغانین مراجعتینی سسلندیریب.

سونرا نفت ایخراج ائد‌ن اؤلکه‌لر تشکیلاتینین (اوپک) باش کاتیبی محمد بارکیندو، گاز اخراج ائد‌ن اؤلکه‌لر فورومونون باش کاتیبی یوری سنتیورین و "بی پی گرووپ اوپسرئام"این باش ایجراچیسی برنارد لونی چیخیش ائتدیلر.

داها سونرا «شاهدنیز ۲» / جنوب گاز دهلیزی لاییحه‌لری حاقیندا بی پی طرفیندن حاضیرلانمیش ویدئوچارخ تقدیم اولونوب.

سون‌دا پرزیدنت ایلهام الیئو جنوب گاز دهلیزینین آچیلیشینی ائدیب.

جنوب گاز دهلیزینه ایلک گازین وورولماسینا باشلانیب.