ارمنیستان باش ناظری نیکول پاشینیانین تهرانین «آرارات» کلوبوندا ارمنی ایجماسی ایله گؤروشو زامانی قالدیریلان «قاراباغ ارمنیستاندیر» شعارینی ایرانین باکیداکی سفیرینین پیسلهمهسینه رئاکسییالار وئریلمکدهدیر.
Axar.az خبر وئریر کی، بونونلا باغلی سوسیال شبکهلردهکی گئدن موذاکیرهلره پولیتولوق الخان شاهینوغلو دا قوشولوب. پولیتولوق بیلدیریب کی، ایرانلی رسمیلر پاشینیانین تهراندا ارمنیلرله گؤروشو زامانی آسیلان بایراقدان و شعاردان خبرلری اولمادیقلارینی بیلدیردیلر:
«اونو دا دئدیلر کی، همین یازیلار ارمنی دیلینده اولوب، نه یازیلدیغینی گویا بیلمهییبلر، آنجاق بونون تخریبات ماهیتی داشیدیغینی اعتراف ائدیرلر. اوندا سوال اولونور: نیه ایران پلیسی تهراندا «قاراباغ ارمنیستانیندیر» شعارینی زالین مرکزینده آسان تخریباتچیلاری حبس ائتمیر، تبریز ایستادیونوندان چیخارکن «قاراباغ آذربایجانیندیر» دئین ۲۹ سویداشیمیزی حبس ائدیر؟ مگر تهران قاراباغین آذربایجانین بیر پارچاسی اولدوغونو قبول ائتمیر؟ ائدیرسه، نیه تخریباتچی ارمنیلری یوخ، رسمی تهرانین آذربایجانین اراضی بوتؤولویونو تانیدیغینا دستک وئرن آذربایجانلیلاری حبس ائدیر؟ آخی سویداشلاریمیز «قاراباغ آذربایجانیندیر» دئمکله رسمی تهرانین سیاستینه ترس دوشن هئچ نه دئمهییبلر».