آذربایجان رسپوبلیکاسینین بیرینجی ویتسه-پرزیدنتی مهریبان علیئوا آذربایجان خالقینی رمضان آیینین باشلانماسی مناسیبتیله تبریک ائدیب.

Axar.az تبریکین متنینی تقدیم ائدیر:

"عزیز هموطنلر. سیزی رمضان آیینین – اوروجلوق و معنوی یئنی‌لنمه، دوشونمک و دعا ائتمک، باغیشلاماق و مرحمت آیینین باشلانماسی موناسیبتیله تبریک ائدیره‌م. بو مقدس آی بوتون دونیادا میلیونلارلا موسلمان اوچون معنوی کامیللشمه، نجیب و خیرخواه ایشلر دؤورودور.

آذربایجان‌دا چوخ عصرلیک تاریخی اولان معنوی عنعنه‌لره حؤرمتله یاناشیلیر. بو عنعنه‌لرین اخلاقی و ائتیک اساسلاری دییشمز قالیر. چونکی یاخینلارینا قایغی، خیرخواهلیق و مرحمت بوتون دؤورلرده یوکسک قیمتلندیریلیب.

امینم کی، رمضان آیی بیرلیک و همرای‌لیک، حؤرمت و قارشی‌لیقلی آنلاشما دؤورو اولاجاق. قوی اولو تانری بو مقدس گونلرده سیزین بوتون دعالارینیزی ائشیتسین و قبول ائتسین. سیزه صولح، خوش گونلر، سعادت و ریفاه آرزولاییرام".