آنا صحیفه گوندم |
«فارس دیلینده یئترلیلیگی» لاییحهسی نه منطیقه سیغیر، نه ده عقلا.
آذنیوز. تی وی خبر وئریر کی، بو سؤزلری تبریزلی میللت وکیلی مسعود پزئشکییان مجلیسده ژورنالیستین فارس دیلی یئترلیلیگی ایله باغلی سوالینا جواب وئررکهن دئییب.
«لاییحهنی ایجرا ائدن هر کس ایشتباه ائدیر. قراندا دا یازیلدیغی کیمی الله هر کسی برابر گؤرور. هئچ کیمین بیر باشقاسیندان اوستونلویو یوخدور. بو لاییحهنی ایجرا ائتمک یئرینه آنا دیلینده تحصیل آلماغین یوللارینی آختارمالیییق. اینگیلیسجه، عربجه درسلر کئچیریلیر، اما آنا دیلینده تحصیل آلماقدان ایمتینا ائدیرلر. اینانمیرام کی، بئله بیر لاییحه شورا مجلیسینده سس توپلایا بیلسین. فارس دیلینده تحصیل آلماق قانونا اویغوندور، آنجاق مکتبدن اؤنجه فارس دیلینی اؤیرهنمک بوتونلوکله قانونسوزدور.
۱۵-جی مادنین ایجراسی ایله باغلی تحصیل ناظرلیگی ایله دانیشیقلاریمیز اولوب. یئنی سئچیلهن ناظرله ده ۱۵-جی مادنین ایجرا ائدیلمهسینده دانیشیقلاریمیز اولاجاق کی، مخالیفلر بوندان سوء-ایستیفاده ائتمهسینلر و اللرینده بهانه اولماسین».
قید ائدک کی، پزشکییانین مخالیفته بهانه وئرمک جملهسی تمامیله یانلیشدیر. چونکو آنا دیلینده تحصیل آلماق بیر میللتین و اونون اوشاقلارینین حقوقلارینی رسما تانیماقدیر. ۱۵-جی مادهده دئییلیر:
ایران خالقینین رسمی دیلی و یازیسی فارس دیلیدیر. سندلر، یازیشمالار، رسمی متنلر و درسلیکلر بو دیله اویغون اولمالیدیر. لاکین کوتلوی اینفورماسییا واسطهلرینده یئرلی و ائتنیک دیللردن ایستیفاده، مکتبلرده فارسجا ایله یاناشی، اونلارین ادبیاتینین تدریسی آزاددیر.
تاریخ
2019.08.11 / 21:38
|
مولف
Axar.az
|