ایران پرزیدنتی حسن روحانی آمریکاللی همکاری دونالد ترامپلا گؤروشه راضی‌لیق وئریبسه، دئمک، عالی دینی لیدر علی خامنه اینین خیر-دعاسینی آلیب.

آخار. آذ خبر وئریر کی، بو فیکیرلر «اطلس» آراشدیرمالار مرکزینین تحلیلین‌ده اؤز عکسینی تاپیب. آنالیزده روحانینین بو ایستیقامت‌ده‌کی سیاستینین دییشمه‌سینین ایران‌داکی آغیر اقتصادی وضعیتله علاقه‌لی اولدوغو قید ائدیلیب:

«حسن روحانی سون چیخیشین‌دا دئییب کی، اگر بیر شخصله گؤروشمک اؤلکه‌نین ریفاهینا سبب اولاجاقسا، بونا حاضیرام. آیدین‌دیر کی، روحانی «بیر شخص» دئدیکده دونالد ترامپی نظرده توتور. حالبوکی هله سون گونلره قدر روحانی بئله بیر گؤروشون مومکونلویونو اینکار ائدیردی.

ایران اقتصادیاتی سانکسییالار اوجباتین‌دان آغیر گونلرینی یاشاییر، سوسیال پروبلملرین حلی مرکبلشیر. وضعیت او قدر جدی‌دیر کی، ایران حکومتی و پارلامنتی گلن ایلین بودجه‌سینین نفت گلیرلری اولمادان فورمالاشماسینی دوشونور. یعنی تهران حتی نفتی ساتا بیلمه‌مه دورومونا دا حاضیرلاشیر.

ایران پرزیدنتی بو وضعیت‌دن چیخیش یولو آختارارکه‌ن خاریجی سیاست‌ده کارکته‌یه اوستونلوک وئریر. ظریفینین فرانسایا سفری، تهرانین «بیزه نفت ساتماغا ایمکان وئرسه‌لر، اورانین زنگینلشدیریلمه‌سی مسئله‌سینه یئنی‌دن باخا بیلریک» آچیقلاماسی و نهایت، حسن روحانینین ترامپلا گؤروشه بیلجیی آچیقلاماسی دا سیاستین کارکته‌سین‌دن خبر وئریر. حسن روحانینین ایرانین پروبلملرینی حل ائتمک اوچون آمریکا ایله تماسلارا باشلاماق‌دان باشقا یولو یوخدور».

مرکزین تحلیلین‌ده روحانینین ترامپلا گؤروشه راضی‌لیق وئرمه‌مه‌سینین ایسلام اینقیلابی کئشیک‌چیلری کورپوسونون مؤوقعی ایله باغلی اولدوغو وورغولانیب:

«اول دونالد ترامپ ایران‌لی همکارینا گؤروش تکلیف ائدیردی، روحانی گؤروش‌دن ایمتینا ائدیردی، ایندی ایسه حسن روحانی گؤروشمک ایستییر، آغ ائو صاحبی تلسمیر. مسئله بوراسین‌دادیر کی، بلکه ده حسن روحانی ائله ایلک گون‌دن آمریکالی همکاری ایله گؤروشه حاضر اولسا دا، عالی دینی لیدرین و ایسلام کشیکچیلری کورپوسونون مؤوقعیی اونون ال-قولونو باغلاییردی. چونکی هر ایکی گوج حسن روحانینین و جواد ظریفین آمریکالی همکارلاری ایله مومکون تماسلارینا قاداغا قویموشدو.

ایران اقتصادیاتی عالی دینی لیدری و ایسلام اینقیلابی کشیکچیلری کورپوسونون دا مؤوجود وضعیت‌دن چیخیش یوللاری آختارماغا وادار ائدیر. ایران‌دا حاکمیته نظارت ائد‌ن قوه‌لرین هامی‌سی آمریکا ایله محاربه ایستمیر، بونون ایرانا باها باشا گلجیینی آنلاییرلار. اونا گؤره ده هم عالی دینی لیدر، هم ده ایسلام اینقیلابی کئشیکچیلری کورپوسو پرزیدنته و خاریجی ایشلر ناظرینه آمریکالی همکارلاری ایله دانیشیقلارا باشلاماغا اجازه وئریبلر».