آنا صحیفه گوندم |
آذربایجانین ان آغریلی پروبلمی اولان ارمنیستان-آذربایجان داغلیق قاراباغ مناقیشهسینین حلینده ارمنیستانین دستروکتیو سیاستینه گؤره ایرلیلییش یوخدور.
آخار. آذ خبر وئریر کی، بونو آذربایجان رسپوبلیکاسینین پرزیدنتی ایلهام علیئو باکیدا تورکدیللی دؤولتلرین امکداشلیق شوراسینین ۷-جی زیروه گؤروشونده چیخیشی زامانی دئییب. اونون سؤزلرینه گؤره، ارمنیستان ۳۰ ایله یاخیندیر کی، بین الخالق حقوقون نورما و پرینسیپلرینی کوبود شکیلده پوزاراق آذربایجانا قارشی ایشغالچیلیق سیاستینی داوام ائتدیریر:
"ایشغال اولونموش اراضیلرده ائتنیک تمیزلهمه سیاستی آپاریلیب، بیر میلیوندان آرتیق سویداشیمیز قاچقین و مجبوری کؤچکون وضعیتینه دوشوب. همین اراضیلرده آذربایجان خالقینا مخصوص تاریخی-مدنی ارث، ایسلام عابدهلری و مسجیدلریمیز داغیدیلیب و محو ائدیلیب. ارمنیستان چالیشیر کی، مسلمان اؤلکهلری ایله سیخ امکداشلیق قورسون. آنجاق دونیا مسلمانلاری اوچون مقدس اولان مسجیدلری داغیدان ارمنیستان موسلمان اؤلکهلری ایله دوست اولا بیلمز. دینیمیزه قارشی ائدیلهن بو وانداللیق ارمنیستانین ایسلاموفوب خیسلتینی نوماییش ائتدیریر".
دؤولت باشچیسی قید ائدیب کی، مناقیشه ایله باغلی ب ام ت تهلوکهسیزلیک شوراسینین دؤرد قطعنامهسی قبول ائدیلیب: "بو قطعنامهلرده ایشغالچی قوهلرین آذربایجان تورپاقلاریندان قید-شرطسیز و تام چیخاریلماسی بیرمعنالی اولاراق طلب ائدیلیر. عینی زاماندا، قوشولماما حرکاتی، آتت، ایسلام امکداشلیق تشکیلاتی، ناتو، آوروپا پارلامنتی، آوروپا شوراسی و دیگر تشکیلاتلار بونا اوخشار قرار و قطعنامهلر قبول ائدیبلر. ارمنیستان بو قطعنامه و قرارلارین طلبلرینه محل قویمور، بین الخالق حقوقی عهدهلیکلرینین ایجراسیندان بویون قاچیریر.
داغلیق قاراباغ آذربایجانین تاریخی و ازلی تورپاغیدیر، آذربایجانین آیریلماز حیصهسیدیر. مناقیشه بین الخالق حقوقون نورما و پرینسیپلرینه اویغون اولاراق آذربایجانین اراضی بوتؤولویو چرچیوهسینده حل اولونمالیدیر. تورکدیللی دؤولتلرین امکداشلیق شوراسینین زیروه گؤروشلرینین یئکون بیاناتلاریندا دا دؤولتلرین اراضی بوتؤولویو، سوورنلیگی و سرحدلرینین توخونولمازلیغینا دستک داواملی اولاراق تثبیت ائدیلیر. فورصتدن ایستیفاده ائدرک، من داغلیق قاراباغ مناقیشهسینین آذربایجانین اراضی بوتؤولویو چرچیوهسینده عدالتلی حلینی دستکلهیهن طرفداشلاریمیزا تشکر ائدیرهم".
تاریخ
2019.10.15 / 22:57
|
مولف
Axar.az
|