تهلوکه‌سیزلیک زوناسی قارداش تورکییه اوچون واجیب بیر مسئله ایدی. بو مسئله‌ده پرزیدنت اردوغان هئچ جور گئری چکیله بیلمزدی و چکیلمه‌دی ده.

بو سؤزلری آخار. آذ-آ آچیقلاماسین‌دا پولیتولوق احد ممدلی تورکییه پرزیدنتی رجب طییب اردوغانلا روسییالی همکاری ولادیمیر پوتین آراسیندا سورییا مسئله‌سینده تاریخی آنلاشما الده اولونماسی حاقیندا دانیشارکن دئییب. او بیلدیریب کی، تهلوکه‌سیز تامپون بؤلگه مسئله‌سینده اردوغان ایستدیینی آلدی:

«آلینان قرارلاری سورییادا چوخلوق تشکیل ائد‌ن سوننی کسیمی و تورکییه اوچون موثبت دیرلندیریرم. رسمی آنکارانی پروبلمین حلینده مقصدلرینه چاتمیش کیمی قیمتلندیرمک اولار. ایکینجی دونیا ساواشیندا بریتانییانین باش ناظری چؤرچیلل بئله سؤیلمیشدی: »آمئریکان بیزونو و روس آییسینین آراسینداییق». عینی وضعیتی تورکییه حاقیندا دا سؤیله‌مک اولار. تورکییه‌نین ایکی نووه درژاواسی - آمئریکا و روسییا آراسیندا سورییادا برابر طرفداش اولماسی بیر یانا، رسمی آنکارا بو ایکی درژاوانین معین مسئله‌لرده گئری چکیلمه‌سینه، اونونلا راضیلاشماسینا دا نایل اولدو. تورکییه ایکی بؤیوک گوجه سورییا رئاللیغینی قبول ائتدیردی و بعضی مسئله‌لرده گئری چکیلمه‌یه مجبور ائتدی. طبیعی کی، بونو تورکییه‌نین آکتیوینه یازمالیییق. تورکییه اول آمئریکایا، سونرا روسییایا «صولح چشمه‌سی» حربی عملیاتینین لئگیتیملیینی قبول ائتدیردی».

پولیتولوقون سؤزلرینه گؤره، «صولح چشمه‌سی» اونو گؤستردی کی، آمئریکا تورکییه‌دن باشقا سورییانی روسییا، ایران و اسد رژیمینه وئرمه‌یه حاضردیر:

«یپگ-پکک ترور تشکیلاتینین دا تورکییه‌دن باشقا هر کسین قوجاغیندا اوتورماغا راضی اولدوغونو گؤردوک. آمئریکا عراقی گویا دوشمنی اولان ایرانا وئردی، اما شیمالی سورییانی موتتفیقی تورکییه‌یه وئرمه‌دی. بو اونو گؤستردی کی، آمئریکا یاخین شرقی روسییا و ایرانا وئرر، لاکین تورکییه‌یه وئرمز. یعنی غرب آمئریکا باش‌دا اولماقلا، موسلمان جوغرافییاسین‌دا اؤز ماراقلارینا اساس تهدیدی ایران‌دا دئییل، تورکییه‌ده گؤرور. ایران آلدادیجی مانئوردیر، اونلارین اساس پروبلمی تورکییه‌دیر».

ا.ممدلی بیلدیریب کی، آنکارا ایله ایمضالانان راضیلاشما موسکوانین دا ماراقلارینا جاواب وئریر:

«بو دا او دئمک‌دیر کی، یپگ-یه باشقا یول قالمیر. ترورچولار آنکارا ایله موسکوا آراسیندا راضیلیغا گلینن بؤلگه‌دن یا کؤنوللو چیخاجاقلار، یا دا گوجله. موسکوا چالیشیر کی، آنکارا ایله دمشقی بیر آرایا گتیرسین. گئدیشات اونو گؤستریر کی، بو، گئج-تئز باش وئره‌جک، لاکین زامان لازیم‌دیر. اسد دونن یئنه ساییقلاییب. تورکییه‌نی سورییا نفتینین و اراضیلرینین اوغروسو آدلاندیریب. بو جور ساییقلامالارلا اسد آنکارانی داها دا غضبلندیریر».

پولیتولوقون سؤزلرینه گؤره، تورکیه سرحدی بویو تهلوکه‌سیزلیک زوناسینی قوروب، اورادا ۴ میلیونا یاخین قاچقین-کؤچکونو یئرلشدیره بیلسه، اوندا ایستراتژی باخیم‌دان محاربه‌نین غالیبی تورکییه اولاجاق:

«چونکی »صولح چشمه‌سی" آنتی‌ترور عملیاتیندان سونرا تورکییه ایله سرحد بویو قورولان تهلوکه‌سیزلیک زوناسیندا سورییالی قاچقین و کؤچکونلرین حیاتی تامین ائدیلسه، اورادا دئییله‌ن کیمی شهرلر، قصبه‌لر سالین‌سا، بو، دؤولت ایچین‌ده آلترناتیو دؤولت دئمک‌دیر و همین او آلترناتیو دؤولت ده گئج-تئز دمشقی ده نظارته گؤتوره‌جک. چونکی سورییادا بؤیوک اکثریت سوننیلردیر و بو سوننیلرین ده آرخاسی، دایاغی تورکییه‌دیر. اسد رژیمی بو وطنداش محاربه‌سیندن چوخ ضرر گؤردو و داها اوولکی کیمی اؤلکه‌سینی ایداره ائده بیلمه‌یه‌جک. بو دا سوندا اسدین حاکمیت‌دن گئتمه‌سینه گتیریب چیخاراجاق. روسییا، سادجه، اسد رژیمینین عمرونو اوزاتدی. او کی قالدی واشینگتون‌دان گلن نؤوبتی سانکسییالار حده-قورخوسونا، بو، آرتیق وضعیتی دییشمک گوجونده دئییل. چونکی سورییا کارتی موسکوا ایله آنکارانین نظارتینده‌دیر».