آنا صحیفه گوندم |
بینلخالق آنا دیلی گونو ساخلانیلان میللی فعاللار هله ده آزادلیغا بوراخیلماییبلار.
بو سؤزلری گونئی آذربایجانلی میللی-مدهنی فئال، یازار و تدقیقاتچی حسن راشدی آنا دیلی گونو ساخلانیلان میللی فعاللارین آقیبتی ایله باغلی Axar.az-آ دانیشارکهن دئییب.
«فئورالین ۲۱-ی دونیا آنا دیلی گونو ایله مجلیس سئچکیلری عینی گونه تصادف ائدیر. تصولر اولسون کی، بیزیم بیر چوخ فعاللاریمیز آنا دیلی گون ایله باغلی کئچیریلن تدبیرده ساخلانیلاراق حبسه محکوم ائدیلیبلر. حتی نئچه ایل بوندان اؤنجه ساخلانیلان دوستلاریمیز، میللی فعاللاریمیز هله ده بوراخیلماییبلار. اونلار، تقریباً، ۶ ایل بوندان اؤنجه آنا دیلی گونونده ایشتیراک ائتدیکلرینه گؤره ساخلانیلمیشدیلار. فعاللارین سون محکمهلری ۲ آی اؤنجه باش توتدو. آپلیاسییا محکمهسینده ۴ میللی فعالین هر بیری بارهسینده ۲ ایل حبس، ۲ ایل سورگون حکمو چیخاریلدی. بارهلرینده جزا چیخاریلان فعاللار اکبر آزاد، بهرام شیخی علیرضا فرشی و حمید منافیزردیر. تأسفلر اولسون کی، حبسده اولانلار بونلارلا یئکونلاشمیر. چوخ سایدا دوستلاریمیز میللی مسئلهلرله باغلی ساخلانیلیب و حبس جزاسینا محکوم ائدیلیبلر».
قید ائدک کی، بو گون بین الخالق آنا دیلی گونودور. گونئی آذربایجاندا میللی حرکاتین فعاللاری آنا دیلی ایله باغلی پروبلملرینی بو گون خصوصی اولاراق گوندهمه گتیریرلر.
تاریخ
2020.02.21 / 12:30
|
مولف
آیتاج آراز
|