ارمنیلر روسییادا آذربایجانا قارشی نؤوبتی دفعه تخریباتا حاضیرلاشیرلار.

آخار. آذ خبر وئریر کی، روسییا پایتختین‌دا داغلیق قاراباغدا ۹۰-جی ایللرده گئدن محاربه‌دن بحث ائد‌ن، روسییالی تله‌ژورنالیست سوئتلانا کولچیتسکایانین «قاییدیش» آدلی سندلی فیلمینین تقدیماتی پلانلاشدیریلیر.

مارتین ۱۱-ده واسیلیوسکایا کوچه‌سین‌ده یئرلشن کینو ائوین‌ده کئچیریلمه‌سی نظرده توتولان سندلی فیلم ارمنیستان رسپوبلیکاسینین مالییه دستیی ایله چکیلیب.

فیلم‌ده تاریخی آذربایجان اراضیلری شرقی ارمنیستان آدی آلتین‌دا گؤستریلیر. داغلیق قاراباغدا ارمنیلرین ۹۰-جی ایللرده محاربه زامانی اوردوسوز، بلوکادا شرایطین‌ده اؤز "موستقیل‌لیگی" و "آزادلیغی" اوغرون‌دا مباریزه آپارماسین‌دان بحث ائدیلیر.

قید ائدک کی، بو ایلین یانوارین ۲۶-دا دا روسییاداکی ارمنی دیاسپورو موسکواداکی «پوبدا» کینوتئاترین‌دا آذربایجانین اراضی بوتؤولویونون علیهینه اولان «سهرلی اؤلکه-آران» آدلی فیلمی نماییش ائتدیرمه‌یه جهد ائدیب. لاکین مسکواداکی آذربایجان ایجماسینین موسکوا حکومتینه مراجعتین‌دن سونرا فیلمین نماییشی تاخیره سالینیب.