بو گون اوچ قوه‌نین – لیوییا میللی اوردوسونون رهبری خلیفه هافتار، مصر کشفیات ایداره‌سینین رهبری عباس کامیل و اسد رژیمینین بیر ماسا آرخاسین‌دا ایلشمه‌سی چوخ بؤیوک بیر معنا کسب ائدیر. بو، گله‌جک‌ده فورمالاشا بیله‌جک بیر کوالیسییانین ایلک مرحله‌سی کیمی خاراکتریزه ائدیله بیلر. لاکین تورکییه‌یه قارشی ایرانین دستکلدیی اسدله سعودییه عربیستانینین دستکلدیی مصرین کوالیسییا قوراجاغی سوال آلتیندادیر.

بو سؤزلری آخار. آذ-آ آچیقلاماسین‌دا پولیتولوق ووقار زیفروغلو لیوییا میللی اوردوسونون رهبری خلیفه هافتار و مصر کشفیات ایداره‌سینین رهبری عباس کامیلین اسد رژیمی ایله گیزلی گؤروشلر کئچیرمه‌سینی شرح ائدرکه‌ن دئییب. او بیلدیریب کی، تورکییه و روسییا پرزیدنتلرینین موسکوادا کئچیریله‌ن گؤروشون‌ده الده ائدیله‌ن راضیلاشمادان سونرا هم لیوییا، هم ده سورییادا نیسبی ساکیتلیک حکم سورور:

«لاکین بو راضیلاشمادان هئچ ده هر کس راضی قالماییب. مسئله اوندادیر کی، بو راضیلاشما نه لیوییادا هافتارین، نه ده سورییادا اسدین ماراقلارینا جواب وئریر. طرفلر بونا قدر آیری-آیریلیق‌دا گؤروشلر کئچیریبلر. هافتار و اسد رژیمی آراسین‌دا کئچیریلن گیزلی گؤروشده رژیم عسگرلرینین لیوییایا گؤندریلمه‌سی و بؤلگه‌ده موزدلو حربچیلرین سلاحلا تعمین اولونماسی باره‌ده راضی‌لیق الده ائدیلیب. مصر کشفیات ایداره‌سینین رهبری عباس کامیل ایسه سورییا میللی تهلوکه‌سیزلیک تشکیلاتینین صدری علی مملوکله دمشق‌ده گؤروشوب».

پولیتولوق وورغولاییب کی، بو گؤروشلرده اساس مقصد تورکییه‌یه قارشی اتفاق یاراتماق اولوب:

«گؤروش زامانی گله‌جک‌ده تورکییه‌یه قارشی آتیلاجاق آددیملار دا موذاکیره اولونوب. گؤروش‌ده ایشتیراک ائد‌ن طرفلره دقت یئتیرسک، گؤره بیلریک کی، هر اوچ طرف بو گون تورکییه ایله پروبلئم یاشاییر.

تورکییه مصرده حربی چئوریلیش ایله حاکمیته گلن سیسی حکومتینی قبول ائتمیر. بو گون تورکییه و مصر آراسین‌دا مناسیبتلرین گرگین اولماسی دا محض بونونلا علاقداردیر. دیگر طرف‌دن لیوییادا هافتاری دستکله‌یه‌ن قوه‌لرین باشین‌دا مصر گلیر. اصلین‌ده، حربی چئوریلیشله حاکمیته گلن سیسینین حربی چئوریلیشله حاکمیته گلمک ایسته‌یه‌ن هافتاری دستکله‌مه‌سی هئچ ده غریبه دئییل. حاضردا بو اوچلویون اساس هدفی ایتیریلمیش مؤوقعیلرینی گئری قایتاراراق تورکییه‌نین رگیون‌دا نفوذونو آشاغی سالماقدیر».