آنا صحیفه گوندم |
ارمنیستانداکی حاضیرکی حکومت حاکمیتده قالماغا داوام ائدرسه، هم اؤزونو، هم ده ارمنیستانی محو ائدجک. بو، بوتؤولوکده ارمنیستانین دؤولتچیلیینه تهدیددیر. بونا گؤره پاشینیان و اونون کومانداسینین حاکمیتدن گئتمهسی رسپوبلیکانین سیاسی قوهلرینین گوندهمینده اولمالیدیر.
آخار. آذ خبر وئریر کی، بو بارهده معلوماتی ارمنیستانین «آیسور. آم» سایتی یاییب. مقالهده بیلدیریلیب کی، ارمنیستاندا ایکی ایل عرضینده پاشینیانین عائلهسینین و بیر قروپ دؤولت مأمورونون ریفاهینین یاخشیلاشماسی استثنا اولماقلا، اؤلکهنین بوتون ساحهلرینده اوغورسوزلوقلار قیده آلینیب.
«اوغورسوزلوقلار هر یئردهدیر: اقتصادیاتدان توتموش خاریجی سیاسته، داغلیق قاراباغ مناقیشهسینین حلیندن توتموش کوروناویروسلا مباریزهیه قدر. خاریجی سیاستدهکی اوغورسوزلوقلار روسییا یؤنونده داها چوخ گؤزه چارپیر – سئرگئی لاورووون وئردیی آچیقلامالار، ارمنیستان لیدرینین آغ ائوه گیرمهسینه بئله اجازه وئریلمدیی مقام و نیکولون عمومیتله سفرلرینین توریست زیارتلرینه بنزهمهسی، اورتا وظیفهلی شخصلرله گؤروشو بونلاری تصدیقلییر. قاراباغ مسئلهسی بارهده دانیشماغا ایسه احتیاج قالمیر، چونکی دانیشیقلار ماساسیندا سندین اولماسی سببیندن پاشینیانین بؤیوک یالانی اوزه چیخدی. اصلینده، نیکول پاشینیان گیزلی دانیشیقلار زامانی داغلیق قاراباغ مسئلهسینده گذشته (ایشغال آلتیندا اولان قاراباغدان ارمنیستان قوشونلارینین گئری چکیلمهسی نظرده توتولور – رئد.) گئتمهیه راضیلیق وئریب»، - دئیه مقالهده قید ائدیلیب.
تاریخ
2020.04.30 / 10:17
|
مولف
Axar.az
|