آنا صحیفه گوندم |
آلمانییا خاریجی ایشلر ناظرلیگی (خین) آذربایجان اراضیلرینین ایشغالینی قانونی سایمیر و ایشغال اولونموش اراضیلرده یارادیلان قوندارما رئژیمین مؤوجودلوغونو تانیمیر.
آخار. آز خبر وئریر کی، آلمانییا خین آروتیون قریقوریانین باشچیلیق ائتدیی قوندارما رئژیمین آلمانییاداکی نومایندلیینین فعالیتینی قانونسوز حساب ائدیب.
خین-این معلوماتیندا بیلدیریلیر: "آلمانییا فئدئراتیو رئسپوبلیکاسی قوندارما رئژیمی تانیمیر. مووافیق اولاراق، قوندارما رئژیمین نه آککرئدیته اولونموش دیپلوماتیک و یا کونسوللوق نمایندهسی، نه ده تانینمیش نمایندهلیگی مؤوجود دئییل".
"بونونلا الاقدار، آلمانییا خاریجی ایشلر ناظرلیگی یازیلی شکیلده قریقوریاندان آذربایجانین ایشغال آلتیندا اولان اراضیلرینده یارادیلمیش قوندارما رئژیمین دیپلوماتیک و یا کونسوللوق نومایندلیینی یاراتماغی درهال دایاندیرماغی طلب ائدیب. طلبین یئرینه یئتیریلمدیی تقدیرده حقوقی تدبیرلرین گؤرولجیی دقته چاتدیریلیب"، - خین-دن بیلدیریلیب.
بو بیانات یاییلدیقدان سونرا قوندارما رئژیمی نومایندلیینین فئیسبوک و تویتتئر سوسیال شبکهلریندهکی حسابلاری باغلانیب.
بوندان علاوه، قوندارما رئژیمین آلمانییا دومئنی اولان سایتی دئاکتیو ائدیلیب. سئپاراتچیلار بو سایتین کمکی ایله آلمانییادان آذربایجانین ایشغال ائدیلمیش اراضیلرینه توریزم تشکیل ائتمهیه چالیشیردیلار. آروتیون قریقوریان اؤزو ده فئیسبوک صحیفهسینی سیلیب.
تاریخ
2020.05.22 / 23:35
|
مولف
Axar.az
|