آنا صحیفه گوندم |
روسییانین سیاسی دایرهلرینده ارمنیستانین روسییا فدراسییاسینین ترکیبینه داخیل ائدیلمهسی مسئلهسینه باخیلیر. نفوذلو «ورئمیا» نشرینین روسییانین دیپلوماتیک ایستروکتورلارینداکی منبعیه ایستینادا وئردیی معلوماتا اساساً، بونونلا باغلی آرتیق ارمنیستان پرزیدنتی آرمن سرکیسیانین ایلکین راضیلیغی آلینیب.
پاشینیانین ایسه مسئله ایله باغلی روسییا لیدری ولادیمیر پوتینه «هه» دئدیی وورغولانیر.
ارمنیستانین اؤزونده روسییا ترکیبینه قاتیلما فاکتی اوزون سورهن سوسیال-اقتصادی بحرانلا ویدالاشماق ایمکانی کیمی تقدیم اولوناجاق. عینی زاماندا، آذربایجانین ایلدن-ایله آرتان حربی گوجونون تأثیرینی نیتراللاشدیرماقدان اؤترو باشقا یولون اولمادیغی دا قید ائدیلهجک.
گومان ائدیلیر کی، ارمنیستان روسییانین ترکیبینه فدراسییاسینین سوبیئکتلریندن بیری کیمی داخیل اولاجاق.
بو بارهده آخار. آذ-آ دانیشان مشهور روسییالی تاریخچی-قافقازشوناس، پولیتولوق اولئق کوزنئتسوو بیلدیریب کی، بو حالدا کرئمل ایشغال اولونموش تورپاقلاری آذربایجانا قایتاراجاق.
«کرئمل همیشه آذربایجانین اراضی بوتؤولویونو تانیدیغینی بیان ائدیب، بونا گؤره ده هئچ واخت ایشغال ائدیلمیش قاراباغین و اطراف رایونلارین آذربایجان تورپاقلارینین ایلحاقینا گئتمهیهجک. اونسوز دا موسکوانین کریم و اوکراینانین شرق ویلایتلری ایله (لوقانسک، دونئتسک) بیر چوخ پروبلئملری وار»، - دئیه مصاحیبیمیز بیلدیریب.
تاریخ
2020.05.26 / 13:27
|
مولف
Axar.az
|