بو گون سحر ساعت ۵:۳۰-دا ایرانین رسمی ایسنا خبر آگنت‌لیگی آذربایجان پرزیدنتینه و دولتینه قارشی غرضلی و بهتان دولو یازی درج ائدیب.

Axar.az خبر وئریر کی، یازی مؤلفی و رگیون‌شناس‌لیق اوزره پروفسور کیومرث یزدانپناهین مقاله‌سین‌ده قید اولونور:

«آذربایجان رسپوبلیکاسی طرفین‌دن لاچین یولونون هله ده آچیلماماسی ارمنی سویقیریمی کیمی قبول ائدیلمه‌لیدیر و بئله بیر آجی حادثه‌نین فسادلاری باره‌ده تئزلیکله روسلار خبردار ائدیلمه‌لی‌دیر.

آذربایجانین بؤلگه‌ده محاصره‌ده اولان ۱۲۰ مین ارمنی خالقینا قارشی غیری-اینسانی داورانیشینا هئچ بیر شکیل‌ده حاق قازان‌دیرماق و دؤزمک اولماز. اگر تدبیر گؤرولمزسه، بو بؤلگه‌ده سس‌سیز اؤلوم باش وئره‌جک».

دولته یاخین‌لیغی ایله سئچیله‌ن آگنتلیین بو یازیسین‌دان بیر نئچه ساعت سونرا، ساعت ۸:۳۰ راده‌لرین‌ده آذربایجانین تهران‌داکی سفیرلیینه هجوم اولور. نتیجه‌ده بیر نفر دونیاسینی دییشیر، ۲ نفر ایسه یارالانیر.