گونئی آذربایجان میللی آزادلیق جبهه‌سی آذربایجان رسپوبلیکاسینین ایران اسلام رسپوبلیکاسین‌داکی سفیرلیینه ائدیله‌ن سلاحلی هجوملا علاقدار بیانات قبول ائدیب.

Axar.az بیانات متنینی تقدیم ائدیر:

«باش وئره‌ن ترور هوجومو تصادفی ساییلا بیلمز.

بوندان اؤنجه ۲۰۲۲-جی ایلین آوگوستون‌دا آذرباینین بؤیوک بریتانییاداکی سفیرلیینه ترور هجومو ائدیلمیشدی. حادثه‌نی ایرانا باغلی «مهدینین خیدمت‌چیلری بیرلیگی» آدلی گروپ تؤرتمیشدی. سفیرلیین یئرلشدیی بینانین دیوارینا عرب دیلینده شعارلار وورولموش، آذربایجانین دولت بایراغی جیریلمیشدی.

بو حادثه‌نین ده آرخاسین‌دا ایرانین اولدوغو آیدیندیر. چونکی ایران آدلانان اؤلکه آذربایجانین خاریجی سیاست کورسونا قارشی‌دیر.

ایران گنراللاری، ایرانین عالی روحانیلری واخت آشیری آذربایجان رسپوبلیکاسینی تهدید ائد‌ن بیاناتلار سسلندیریبلر.

اونلارین منطیقینجه آذربایجان ایسرائیلله علاقه‌لر قوردوغونا گؤره ترور اولونمالیدیر. بو، ایران آدلانان دولتین سیاستینین منطیقی نتیجه‌سی‌دیر. سفیرلییه هجوم ائد‌ن ترورچونون کیمه باغلی اولدغو بللی دئییل.

اونون اتنیک کیملییندن آسیلی اولمایاراق بو تیپلی ایشلر ایرانین خصوصی خدیمت اورگانلارینین، «قوچ» گروپونون عملیاتینا بنزییر. ایران‌دا سفیرلیکلره هجوم عملیاتلارینا آنجاق ایران آدلانان رهبری علی خامنیینین اوفیسین‌دن وئریلیر. آمریکا، سعودییه عربیستانی سفیرلیینه ائدیله‌ن هجوم زامانی دا بئله اولموشدو.

بیز بو حادثه‌یه گؤره، خامنه‌ای باش‌دا اولماقلا ایران رهبرلرینی اتهام ائدیریک.

اچری داخیل اولان ترورچو اورادا هامینی قتله یئتیرمک ایستییردی. ساده‌جه آذربایجان سفیرلیینین امکداشینین قهرمان‌لیغی سایه‌سین‌ده بو ممکن اولمادی.

بلکه ده عملیاتدان سونرا اونون اؤزونو ده ایران خصوصی خیدمت اورگانلاری اؤلدوره‌جکدی. ایران خصوصی خیدمت اورگانلارینین راضیلیغی اولمادان کیمینسه «کالاشنیکوو» سلاحی ایله سفیرلییه هجوم ممکن دئییل.

«دیپلماتیک علاقه‌لر حاقین‌دا" ۱۹۶۱-جی ایل تاریخلی ویانا کونونسییاسینین ۲۲-جی ماده‌سین‌ده قید اولونور کی، دیپلماتیک نمایندلیین بینالاری توخونولمازدیر. یئرلشمه دولتینین حاکمیت اورقانلاری نماینده‌لیک باشچی‌سینین راضی‌لیغی اولمادان بو بینالارا داخیل اولا بیلمزلر.

نماینده‌لیگی هر جور هجوملاردان و زرر وورولماسین‌دان قوروماق و نمایندلیین ساکیتلیینین ایسته‌نیلن فورمادا پوزولماسینین و یا شرفینین تحقیر اولونماسینین قارشی‌سینی آلماق اوچون هر جور لازی‌می تدبیرلر گؤرمک یئرلشمه دؤولتینین خصوصی وظیفه‌سی‌دیر. بو او دئمک‌دیر کی، ایران بین الخالق کونونسییانی کوبود شکیل‌ده پوزوب.

ایرانین ترورچو عمللرینی پیسلییریک. بین الخالق قانونلاری پوزان ایران بو ترور هجومونا گؤره جواب وئرمه‌لیدیر"