سوسیال پسیخولوگییا ایضاح ائدیر کی، هر بیر اینسان‌دا ایکی واجیب ائموسیونال حس وار: میللی و دینی حس. بو اموسیونال حسلری ایداره ائتمکله نینکی اینسانلاری، بوتؤولوکده خالقی ایسته‌نیلن هدفه یؤنلندیرمک اولار.

Axar.az خبر وئریر کی، بو سؤزلری میللت وکیلی حیکمت باباوغلو دئییب.

«شوبهه‌سیز کی، اگر جمعیت‌ده میللی حس دومینات‌دیرسا، دیگر بوتون هیسسلر اونون آرخاسینجا گلیر و جمعیتین کوتلوی داورانیشینا او قدر تأثیر گؤستره بیلمیر. سئویندیریجی حال‌دیر کی، بو گون آذربایجان جمعیتین‌ده میللی تفکر دینی تفکردن اوستوندور. آنجاق چوخ مهم بیر پروبلم وار. وقاییسه‌لی تحلیل نتیجه‌سین‌ده اورتایا چیخیر کی، ۹۰-جی ایللرین اولین‌ده اگر میللی حس و میللی کیملیک داها چوخ دومینانت ایدی‌سه، بوتون بو ایللر عرضین‌ده جمعیتیمیزده دینی حسلر ده خیلی کوتلویلشمه‌یه و آراداکی فرق دینی اموسیونال حسلرین لئهینه دییشمه‌یه باشلاییب. اگر بورادا صحبت حقیقی دین‌دن و ایمان‌دان گئدیرسه، اونون هئچ بیر پروبلمی اولمور. چونکی اسلام دینینه گؤره وطنی سئومک ایمانداندیر. آنجاق مسئله اوندادیر کی، ایران و دیگر اؤلکه‌لر آذربایجانا دین آدی آلتین‌دا رادیکال مذهب اخراج ائدیرلر، وطنداشلارین میللی دولتیمیزله باغلیلیغینا ضربه ووران تبلیغات آپاریرلار. نتیجه‌ده وطنداش حساب ائدیر کی، او، مؤمن‌دیر. اما بو دیرناقاراسی مؤمینلیین ایسلاملا هئچ بیر علاقه‌سی یوخدور، بو، باشقا بیر اؤلکه‌نین یاد ایدئولوگییاسینا قوللوق ائتمکدن عبارت‌دیر. مثلاً، ایران مذهب آدی آلتین‌دا فارس شووینیزمینی اخراج ائدیر. ایش او یئره چاتیب کی، آذربایجان وطنداشلاری مالییه و فیزیکی واسطه‌لرله ده ایرانا باغلیدیر. سون دورلر بللی اولور کی، «خمس» آدی آلتین‌دا آذربایجان خالقینین بعضی نماینده‌لرینین دینی حسلری ایستیثمار اولوناراق ایرانا پول گؤندریلیر. بو، دولت ایچینده دولت قوروب، بیزیم وطنداشلاریمیزی باشقا دولته وئرگییه مجبور ائتمکدیر. بو، جینایتدیر. بو یاخینلاردا گمی کاپیتانلارینین ایران رادیکال دینی مرکزلریندن ایر‌لی گلن امرلری اجرا ائتمه‌سی بونون ثبوتودور. بو گون ۴۰-آ یاخین شخص آذربایجان حقوق-محافظه اورگانلاری طرفین‌دن آشکار ائدیله‌رک حبس ائدیلیبلر».

باباوغلو ایران اراضی‌سین‌ده قالان تاریخ و جغرافییامیزین، خالقیمیز و اونون عادت-عنعنه‌سینین گنج نسله اؤیردیلمه‌سینین واجیبلیینی وورغولاییب:

«۹۰-جی ایللرین اوللرین‌ده و بو گون ده میللی ایدئولوگییا اوزرین‌ده دین آدی آلتین‌دا مختلیف رادیکال تضییقلر، ائلجه ده خاریجدن گلن دموکراتییا آدی آلتین‌دا میللی دوشونجه و تفکر اوزرینده تضییقلر وار.

۴۴ گونلوک محاربه‌ده هر نه قدر آذربایجان معاصر تکنولوگییالاردان، حربی واسطه‌لردن ایستیفاده ائتدیسه، بیر او قدر و بلکه اوندان داها چوخ غلبه‌میزده میللی تفکر و میللی اؤزونودرک حادثه‌سی رول اوینادی. دوشمنلری قورخودان دا محض بودور. حاضردا بیز ایشیمیزی ایکی ایستیقامتده قورمالیییق: عمومی کوتلوی واسطه‌لرله وطنپرورلیگی، میللی حسلری گوجلندیره‌ن تبلیغات واسطه‌لرینی حیاتا کئچیرملیگیک. ایکینجی‌سی، حقیقی دینی جمعیتده داها آیدین تبلیغ ائتمکله وطنداشلاریمیزین دینی حسلرینین ایستیثمارینا یول وئرمملیگیک. و میللی دویغولاری تمثیل ائد‌نلر اجتماعی و سیاسی پروسسلرده معنوی باخیم‌دان مکافاتلاندیریلمالیدیرلار. اونلار اؤنده اولاجاقلارسا، جمعیته نومونه اولاجاقلار. بئله‌لیکله، آذربایجان پرزیدنتینین دئدیی کیمی، هارادا یاشاماقلاریندان آسیلی اولمایاراق، آذربایجانلیلارین حقوق و آزادلیقلارینین و میللی ایدنتیفیکاسییاسینین تعمین اولونماسی اوچون مونبیت شرایط فورمالاشاجاق. بونا گؤره ده آذربایجان پرزیدنتینین بو تزیسی، بو چاغیریشی ۲۱-جی عصر هر بیر آذربایجان‌لی و آذربایجان وطنداشینین داخیلی کونستیتوسییاسینا، میللی مقصد پروگرامینا چئوریلمه‌لیدیر. بو گون ایران‌دا و دونیادا یاشایان هر بیر آذربایجانلی شهریارین آذربایجان شعرینی اؤزونون ۲۱-جی عصر فعالیتینین ایستیقامتی کیمی گؤرمه‌لیدیر. چونکی «کؤنلوم قوشو قاناد چالماز، سنسیز بیر آن، آذربایجان» نیداسی ایله باشلایان بو شعر ائله خصوصاً ایران‌دا یاشایان آذربایجانلیلارین دوننی، بو گونو و گلجیی ایله باغلی یول خریته‌سیدیر».