آذربایجان عرب دولتلری ایله علاقه‌لرین اینکیشافینا خصوصی اؤنم وئریر.

Axar.az خبر وئریر کی، بونو آذربایجان پرزیدنتی ایلهام علیئو باکی‌دا عراق پرزیدنتی عبدالطیف جمال رشید ایله گؤروشونده بیلدیریب.

دولت باشچی‌سی عراق پرزیدنتینه اؤلکه‌میزه سفر ائتدیینه گؤره تشکرونو بیلدیریب. آذربایجانین قوشولماما حرکاتینا صدرلیینین باشا چاتماق عرفه‌سین‌ده اولدوغونو قید ائد‌ن پرزیدنت ایلهام علیئو صدرلیک دؤورونده اؤلکه‌میزین حرکاتین اینکیشافی نامینه سعیلرینی اسیرگمدیینی، اونون تاسیساتلانماسی ایله باغلی بیر سیرا تشببوسلر ایر‌لی سوردویونو بیلدیریب، بو خوسوس‌دا حرکاتین پارلامنت و گنجلر شبکه‌سینین یارادیلماسینی قید ائدیب. دولت باشچی‌سی آذربایجانین صدرلیگی دؤورونده قوشولماما حرکاتینین ۳-جو زیروه توپلانتیسینین دا اؤلکه‌میزده کئچیریلدیینی وورغولاییب.

پرزیدنت ایلهام علیئو عرب دؤلتلری لیگاسینین الجزایرده کئچیریلمیش ساممیتینده اشتراکینی ممنونلوقلا خاطیرلادیب، آذربایجانین عرب دؤولتلری ایله علاقه‌لرین اینکیشافینا خصوصی اؤنم وئردیینی بیلدیریب.