اگر ارمنی خالقی پاشینیانی پاییزا قدر حاکمیتدن اوزاقلاشدیرا بیلمه‌سه و یا ایسته‌مه‌سه، ۲۰۲۴-جو ایلده یئنی گئنیش‌میقیاس‌لی محاربه ایله اوزلشمه‌لی اولاجاق.

Axar.az خبر وئریر کی، بونو ارمنیستان مدافعه ناظرینین کئچمیش معاوینی آرتاک زاکاریان دئییب.

«بو محاربه‌یه مقاومت گؤستره بیلجییک، یا یوخ، بونو دئمک چتیندیر. آرتیق ثبوت ائدیلدی کی، محاربه‌یه سبب نه قاراباغ، نه زنگزور، نه ده زود (سؤیودلو) قیزیل معدنی‌دیر. اصل سبب نیکولدور. بو گون بو ساده حقیقتی آنجاق سوادسیزلار باشا دوشمور. مغلوبیت و تسلیم اولما سیموولو اولان نیکول آرتیق هئچ بیر دایاغی اولمایان دانیشیقلار باتاقلیغینا بوینونا قدر گیریب. پاشینیانین دوشونجه‌سیز دیپلوماتیک مانورلری و سیاسی آتیشلاری آرتیق هئچ نیه دیمز. اونلار آنجاق ارمنی خالقینین زیانینا حرکت ائدیب و ائدیر. اوسته‌لیک، نیکولا گؤره ارمنیستان یگانه ایستراتژی متفیقینی، دیگر بین‌الخالق طرفداشلارینی و هاوادارلارینی ایتیریر. آذربایجان ایسه عکسینه، اونو دستکله‌یه‌ن اؤلکه‌لرین دایره‌سینی گئنیشلندیریر»، - او بیلدیریب.