صاباح ایران کیمی فعالیتلری پروقنوزلاشدیریلمایان ملا رژیمینین الین‌ده نووه سلاحی اولارسا، بونون دونیایا نه قدر تهدید اولدوغونو آچیقلاماغا احتیاج یوخدور. چونکی بو، هر کس اوچون آیدیندیر. اونا گؤره ده ایسرایل مدافعه ناظرینین سسلندیردیی بیاناتلار بونو دئمه‌یه اساس وئریر کی، بؤیوک احتیمال یاخین گونلرده ایرانین نووه تدقیقاتلاری و زنگینلشدیریلمه‌سی ایله مشغول اولان اوبیئکتلرینه پرئوئنتیو ضربه‌لر ائندیریله‌جک. همچینین، بو ایشده آمریکا قوه‌لرینین ده ایشتیراکی ممکن‌دور. لاکین گئنیش‌میقیاس‌لی محاربه‌نین باشلایاجاغینی دوشونموره‌م.

بو سؤزلری Axar.az-آ سون دؤورلر ایسرایل رسمیلرینین «ایرانا قارشی بوتون واریانتلار نظردن کئچیریلیر» بیاناتی حاق‌دا دانیشان حربی اکسپرت عدالت وئردیئو دئییب.

وئردیئو بیلدیریب کی، بو گون ایرانین نووه سلاحینا بو قدر یاخینلاشماسینین اساس گناهکارلاریندان بیری محض ماقاته-دیر:

«همچینین، سببکارلار آراسین‌دا اونون رهبری رافایل گروسی و یا اونون وظیفه‌سین‌ده داها اول چالیشان دیگر مأمورلار وار. نتیجه اعتباری ایله بو گون ایران نووه سلاحی اوچون ضروری اولان زنگینلشدیریلمیش اورانین بیر آدیملیغیندادیر. بلکه ده آرتیق اونو الده ائدیب. ایللردیر ایرانا گئدیب-گلن کمیسییالار، ماقاته رسمیلری و س. ایندیه‌دک اورتایا نورمال سند چیخاریب، ایرانین نووه سلاحینی الده ائتمه‌یه یاخین اولدوغونو آچیقلامادی. ندنسه اونو داها چوخ مدافعه ائتمه‌یه چالیشدیلار. بو گون ایسه ایران رگیونال تهدیددن گلوبال تهدیده چئوریلیب. بو، طبیعی کی، یالنیز آذربایجانی و رگیون‌دا اولان اؤلکه‌لری یوخ، بؤیوک تشکیلاتلاری، او جمله‌دن، ب.ام.ت-نین تهلوکه‌سیزلیک شوراسینی ناراحات ائتمه‌لیدیر. آنجاق افسوسلار اولسون کی، هله ده ر. گروسی کیمی ایرانین نووه اوبیکتلرینه هجومو قانونسوز حساب ائد‌ن شخصلر تاپیلیر».