ائرمنیستان-روسییا موناسیبتلری سون واختلار قریبه کاراکتئر آلیب. بیر طرف‌دن پروبلئملر گؤز قاباغین‌دادیر، ایکی دؤولتین نماینده‌لری حتی بیر-بیری حاقیندا غیری-معین بیاناتلار دا وئریرلر. دیگر طرفدن، رسمیلرین گؤروشلرین‌ده دیامئترال عکس بیاناتلار ائشیدیلیر. اونلار جدی فیکیر آیری‌لیقلارینین اولمادیغینی و موتتفیق‌لییه صادق‌لیکلرینی نوماییش ائتدیرمه‌یه چالیشیرلار. ایکی‌طرف‌لی موناسیبتلرده ایندیکی وضعیت بیر قدر «شرئدینگئرین پیشیی»نی خاطیرلادیر – سانکی، جدی بحران وار، اما گؤرونمور. طرفلرین بو غیری-معین وضعیتی اوزون مدت ساخلایا بیله‌جکلرینه جدی شوبهه‌لر وار.

Axar.az خبر وئریر کی، بونو ائرمنی پولیتولوق آییک خالاتیان دئییب.

«بونون عیانی تصدیقی ائرمنیستانین ک.ت.م.ت ایله باغلی مؤوقعیی، خصوصاً ده تشکیلاتین رئسپوبلیکاداکی مونیتورینق میسسییاسی‌دیر. باش ناظر پاشینیان و پارلامئنتین صدری سیمونیان دفعه‌لرله عمومی‌لیک‌ده ک.ت.م.ت-نی، خصوصاً ده کرئمل و روسییا صولحمرام‌لیلارینین مؤوقعیینی چوخ سرت تنقید ائدیب.

ائرمنیستان آوروپا بیرلییی مونیتورینق قروپونو اراضی‌سینه دعوت ائدیب، بونو صرف مولکی میسسییا کیمی تقدیم ائتمه‌یه چالیش‌سا دا، موسکوا میسسییانی آنتی‌روسییا آددیمی کیمی قیمتلندیریب و دفعه‌لرله ائرمنیستان قرارینی سرت شکیل‌ده تنقید ائدیب. اما دیققت‌چکن اودور کی، مارتین ۲۰-ده ائرمنیستانین خاریجی ایشلر ناظری میرزویانین موسکوایا سفری زامانی اؤلکه حاکمیتینین اوولکی مؤوقعیینه ضد بیاناتلار سسلندیریلیب. عینن روسییا خین رهبری لاورووون دا بیاناتلاری سرت دئییلدی.

داها سونرا، ائرمنیستان کونستیتوسییا محکمه‌سی بین‌الخالق جینایت محکمه‌سینین ۱۹۹۸-جی ایل ایولون ۱۷-ده ایمضالانمیش روما ایستاتوتون‌دا تثبیت ائدیلمیش عهده‌لیکلرین اؤلکه کونستیتوسییاسینا اویغونلوغو مسئله‌سینین معین ائدیلمه‌سی حاقیندا قرار درج ائدیب. ائرمنیستان روما ایستاتوتونون راتیفیکاسییاسی پروسئسینین هله بین‌الخالق جینایت محکمه‌سینین روسییا پرئزیدئنتی پوتینین حبسینه اوردئر وئرمکله باغلی قرارین‌دان اول باشلادیغینی بیل‌دیرسه ده، ایروانین بو جور مؤوقعیی موسکوایا قارشی غیری-دوست آددیم کیمی قیمتلندیریلیر»، - او بیلدیریب.

پولیتولوق قئید ائدیب کی، ائرمنیستان حاکمیتی بو آددیمی ایله اؤزونه جدی پروبلئملر یارادیب:

«آخی ائرمنیستان‌دا متمادی اولاراق پوتینین ایشتیراکی ایله ک.ت.م.ت و یا آوروپا بیرلییی عضوو اولان اؤلکه‌لرین لیدئرلرینین ساممیتلری کئچیریلیر. پوتینین ایروانا سفری زامانی حبس اولوناجاغینی تصووور ائتمک چتین‌دیر. تهلوکه‌سیزلیک، اقتصادیات، ائنئرگئتیکا و س. مسئله‌لرده روسییا ایله سیخ باغلی اولان ائرمنیستان ولادیمیر پوتینه اونون آرزواولونماز قوناق اولدوغونو دئیه‌جک... یاخود ایروان پوتینین حبسیندن ایمتینا ائد‌جک. بو دا ائرمنیستانین بین‌الخالق جینایت محکمه‌سی اوزره عهده‌لیکلرینی پوزماسی اولاجاق».