۴۰ میلیونلوق گونئی آذربایجان تورکو بؤیوک قوه‌دیر. اونلارین پوتنسیالیندان هم تورکییه، هم آذربایجان رسپوبلیکاسی فایدالانا بیلر. گونئی آذربایجانلیلارین بیلیک و باجاریقلاریندان مطلق شکیلده ایستیفاده اولونمالیدیر.

بو سؤزلری Axar.az-آ میللی فعال و گونئی‌لی یازار الیار تبریزلی دئییب.

او قید ائدیب کی، آذربایجانا فارس ملا رژیمینین سیاستینی بیلن، دوزگون آنالیز ائد‌ن گونئی‌لی متخصصلر لازیم‌دیر:

«شمالی آذربایجان ایللردیر قاراباغ پروبلمی ایله مشغول اولدوغوندان گونئی‌دن اولان متخصصلرین حاضرلیغینا گوج صرف ائده بیلمه‌ییب. لاکین زامانیندا آنالیتیکلر، تحلیل‌چیلر، سوسیولوقلار یئتیشدیریلسیدی، ایندیکی گرگین وضعیتده اونلارین باجاریقلاریندان ایستیفاده اولوناردی. گونئی آذربایجانین خاریجده‌کی لوببیلری ایله سیخ امکداشلیق و کووردیناسییا پراکتیک باخیمدان مثبت نتیجه‌لره گتیریب چیخارار. آذربایجان تورکلریندن عبارت متخصص کومانداسی ایران رژیمینی هرطرف‌لی تانیییر. بو معنادا اونلارین اوستونلوکلری وار. رژیمین ضعیف نقطه‌لرینی بیله‌ن میللی کادرلاریمیز ترورچو تفکرلو سیستمین قارشی‌سینا چیخارسا، تهران حاکمیتی بوندان آغیر ضربه‌لر آلا بیلر».

او، ایرانین داخیلی سیاستینی بیله‌ن گونئی‌لی کادرلارین یئتیشدیریلمه‌سی اوچون ایندی ده امکان اولدوغونو بیلدیریب:

«گونئی آذربایجان تورکلریندن اختصاص‌لی متخصص و سیاسی کادرلار یئتیشدیرمک اوچون فورصت یارانیب. ایران ضعیف دوشوب.اولا بیلسین، یاخین واختلاردا ایراندا دموکراتیک وضعیت یارانسین. ایران‌دا دموکراتییا اولسا، آذربایجان فورصتدن یارارلانا بیلمه‌یه‌جک. غرب و آمریکا دموکراتیک قورولوشدان یانا اولاجاق. بئله اولارسا، ایراندا وضعیت بیزیم خیریمیزه دییشمه‌یه بیلر. گونئی آذربایجان‌دا یاشایان اینسانلار سلاحسیز مباریزه آپاریر. سلاحسیز اولسالار دا، سای باخیمیندان اوستوندولر. سپاه-دا، اوردودا تمثیل اولونورلار. بونلاری آذربایجان رسپوبلیکاسی بیر امکان اولاراق اؤز خیرینه ایستیفاده ائتمه‌لیدیر».