هر دفعه آمریکا و غرب طرفین‌دن آذربایجان و ارمنیستان رهبرینین گؤروشو باره‌ده تکلیف گلندن سونرا (آذربایجان پرزیدنتی ایلهام علیئوله ارمنیستان باش ناظری نیکول پاشینیان آراسیندا مایین ایکینجی یاریسیندا باش توتمالی اولان نؤوبتی گؤروشون واشینگتن‌دا کئچیریلجیی حاقدا تخریباتدان آز اؤنجه، ۱۱ آپرل‌ده معلومات یاییلمیشدی – رئد.) مطلق ارمنیستان و اونون هاوادارلاری روسییا و ایران طرفدن بیر پرواکاسییا و تهدید اولور. دونن سرحدده باش وئرن حادثه‌دن سؤزسوز کی، بئله پرواکاسییالارداندیر. مقصد صولح دانیشیقلارینا یئنه ضربه وورماقدیر. نتیجه‌ده ایسه قانلی اینسیدنتلر باش وئریر.

بو سؤزلری Axar.az-آ آچیقلاماسین‌دا قفقاز تاریخی مرکزینین دیرکتورو، سیاسی شرحچی رضوان حسینوو دئییب.

پولیتولوگ قید ائدیب کی، بوتون بو حادثه‌لر دانیشیقلار پروسسینه اؤز منفی تأثیرینی گؤستریر:

«اولا بیلر کی، مقصد روسییانین دانیشیقلاری صرف اؤز مونوپولییاسی آلتین‌دا آپاریلماسی ایستییدیر. اونلار ایستییر کی، ایکی طرف آراسیندا مناقیشه هئچ واخت حل اولونماسین و بؤلگه دایما مناقیشه اوجاغی اولاراق قالسین. دوننکی دؤیوشلر ده مقصدین محض بو اولدوغونو گؤستردی.

ارمنیستان ساده‌جه بورادا ایستر موسکوا، ایستر تهران، ایسترسه ده غرب طرفداشلارینین سیاسی ماراقلاری اوچون ایستیثمار اولونان طرفدیر، سیاسی سوبیکت دئییل. بیر سؤزله، اؤلکه اولاراق ایروانین سیاسی مؤوقعی یوخدور. بونا گؤره ده قانلی توققوشمالاردا سؤزسوز کی، مسئولیت سریشته‌سیز، ضعیف ایروانین اوزرینه ده دوشور».

اکسپرتین سؤزلرینه گؤره، ایرانین ایروانی مدافعه ائتمکده اؤز ماراقلاری وار:

«ایران گویا ارمنیستانی مدافعه ائدیر، اصلینده اؤز ماراقلارینی تعمین ائتمک، آذربایجانی ضیفلتمک، اطرافیندا یئنی مناقیشه اوجاقلاری یارادیب کهنه‌لرینی ده ساخلاماق ایستییر. ایران ۲۰۲۰-جی ایلده دییشن ایستاتوس-کوونو قبول ائتمک ایستمیر. ۴۴ گونلوک محاربه‌دن سونرا دا گئوپولیتیک رئاللیقلاری تانیمیر. نتیجه اعتباری ایله رگیون‌داکی ایستابیللییه بؤیوک تهدید یاراتماق ایستییر. آنجاق ایران بونا نایل اولا بیلمه‌یه‌جک».