خاریجی ایشلر ناظرلری آراسین‌دا تلفن دانیشیغینین اولماسینا باخمایاراق، ایران اؤزونو تهلوکه‌ده حس ائدیر. آذربایجانین ۴۴ گونلوک وطن محاربه‌سینده ظفری اونلاری ناراحات ائدیر، اونا گؤره ده بؤلگه‌ده وضعیتین گرگینلشمه‌سینده ماراقلیدیرلار.

بو سؤزلری Axar.az-آ دونن آذربایجان سرحدینین لاچین ایستیقامتینده باش وئرن دؤیوشلر حاقیندا دانیشان تورکییه هاوا قوه‌لرینین ایستعفادا اولان گنرال-پولکوونیکی (کورگنرال) اردوغان کاراکوش دئییب.

کاراکوش آذربایجانین داها چوخ ایرانا دقت یئتیرمه‌لی اولدوغونو، مسکوانین بؤلگه‌ده قربه قارشی تهرانی ایر‌لی وئردیینی بیلدیریب:

«ایرانین آذربایجانلا باغلی ناراحات اولدوغو مسئله‌لر بللی‌دیر. بونلاردان بیرینجی‌سی جنوبی آذربایجان‌داکی تورکلر، ایکینجی‌سی ایسه زنگزور دهلیزی مسئله‌سیدیر. ۴ مین ترورچونون سورییا و عراقدان قاراباغا گؤندریلمه‌سینه حاضرلیق مسئله‌سی، دوننکی تخریباتا ایران‌دان ارمنیستانا گئدن خصوصی بیر گروپون حاضرلیق گؤرمه‌سی هامیمیزا معلومدور. روسییا ایسه ارمنیستانی غربه قاپدیرماق ایستمیر، لاکین اوکراینادا گوجدن دوشدویو اوچون سرت آددیملار دا آتا بیلمیر. اونا گؤره ده ایرانی جنوبی قفقازدا غربه قارشی قویور. ایران ایسه اؤز نؤوبه‌سینده فورصتدن فایدالاناراق ارمنیستان‌دا روسییانین یئرینی توتماق ایستییر.

دیگر بیر مسئله خانکندی و اطرافیندا یاشایان ارمنیلره تأثیردیر. آذربایجان قاراباغداکی ارمنیلرله باغلی اورانین اینفراستروکتورونون یئنیلنمه‌سیندن توتموش رینتئقراسییا مسئله‌لرینه قدر، بوتون ساحه‌لرده تشببوسو الینه آلماق اوچون حمله‌لر ائدیر. طبیعی کی، رسمی باکینین قطیعتلی موقعی و آتدیغی آددیملار بعضی اؤلکه‌لرین ناراحات‌لیغینا سبب اولور. فیکریمجه، بئله توققوشمالار یئنه یاشانا بیلر، آذربایجان ایرانین مانورلرینه داها چوخ دقت یئتیرمه‌لیدیر».

گنرال اونو دا وورغولاییب کی، احتیاج یاراناجاغی حال‌دا، تورکییه‌نین آذربایجان‌دا حربی بازالار قورماسی ممکن‌دور:

«تورکییه جنوبی قفقازدا صولحون برقرار اولماسینی، آذربایجانلا ائرمنیستان آراسین‌دا مناسیبتلرین نورماللاشماسینی ایستییر. آنجاق اؤز منفعتلری نامینه بونا انگل تؤره‌دنلر وار. اونا گؤره، بؤلگه‌ده گرگینلیین و تهدیدلرین آرتماسی حالیندا شوشا بیاننامه‌سی چرچیوه‌سینده آذربایجانین بللی یئرلرینده تورکییه حربی بازالارینین قورولماسی ممکن‌دور. طبیعی کی، اؤنجه رسمی باکی بونونلا باغلی آنکارایا مراجعت ائتمه‌لی‌دیر. مراجعت اولوندوغو حالدا تورکییه اوزرینه دوشنی ائتمه‌یه، قارداشینین یانیندا اولماغا هر زامان حاضردیر».