تأسفلر اولسون کی، ایران حکومتی همیشه وکیللری تنقیدچیلرین و اعتراضچیلارین محاکمه‌سینین قارشیسیندا مانع اولاراق گؤرور، وکیللره تضییق ائتمک، اونلاری سوسدورماق اوچون مختلف واسطه‌لردن استفاده ائدیر. بو سببدن انسان حاقلاری فعالیتی و مشتریلریمین مدافعه‌سی ایله علاقدار من دفعه‌لرله شرقی آذربایجان ویلایتینین کشفیات اداره‌سینه دعوت آلمیشام. اونلار مندن بو ساحه‌ده فعالیتیمی دایاندیرماغیمی ایسته‌ییبلر.

بو سؤزلری Axar.az-آ آذربایجان انسان حاقلاری تشکیلاتینین صدر معاوینی، تانینمیش گونئیلی وکیل سینا یوسیفی ایران محکمه‌لرینین اونون باره‌سینده چیخاردیغی قرارلاری شرح ائدرکه‌ن دئییب.

او بیلدیریب کی، عنوانینا اساسیز یئره آغیر اتهاملار ایر‌لی سورولوب:

«مهسا امینینین اؤلومونه گؤره ایراندا سون اعتراضلارین باشلاماسی ایله تبریزده چوخ سایدا انسان حبس اولوندو. آکسیادا محبوسلارین حقوقلارینی مدافعه ائد‌ن بیر نئچه حقوق‌شناسدان بیری اولدوغوم اوچون منه مراجعت ائد‌نلرین سایی چوخ ایدی. من انسان حقوقلاری کمیسییاسینین صدر معاوینی کیمی بو مسئله‌یه کمیسییانین بیرباشا مداخله‌سینه احتیاج گؤردوم. وکیللر کلئگیاسی و انسان حقوقلاری کمیسییاسینین کردیناسیاسی ایله تعجلی توپلانتی تشکیل ائتدیک. همین اجلاسدا تبریز شهرینده محبوسلارین سایینین ۱۷۰۰ نفردن چوخ اولدوغو بیلدیریله‌رک (اوکتیابرین ۱۲-نه کیمی)، حقوق‌شناسلاردان عبارت مدافعه کمیته‌سینین یارادیلماسی تکلیف اولوندو. بیز حقوقی خدمت گؤسترمک و اونلارین قانونی حقوقلارینی مدافعه ائتمک قرارینا گلدیک. ۱۳ اوکتیابر ۲۰۲۲-جی ایل تاریخینده من تویتر صحیفه‌مده مدافعه کمیته‌سینین یارادیلدیغینی اعلان ائتدیم. همچینین، تبریزده محبوسلارین سایینی آچیقلادیم. اما اوکتیابرین ۱۵-ده سحر ساعتلاریندا شرقی آذربایجان ایالتینین محکمه کشفیاتینین محافظه‌سی تشکیلاتی طرفیندن حبس اولوندوم. منه قارشی «قانونسوز گروپلاشما یاراتماق»، «دولت علیه‌ینه تبلیغات» و «اجتماعیتی ناراحات ائتمک اوچون ساختا معلوماتلار درج ائتمک» کیمی اتهاملار ایر‌لی سورولدو. هئچ بیر اوردئر گؤسترمه‌دن موبیل تلفونوم مصادره ائدیلدی، ائویمیزده و حقوق بورومدا آختاریش آپاردیلار. مشتریمین بعضی سندلرینی نوتبوکوملا بیرلیکده گؤتوردولر. همین گونو آخشام ساعتلارینا کیمی گرگین سورغو-سوال ائدیلدیم».

وکیل حبسخانادا اولدوغو مدتده اونونلا بیرگه دیگر محبوسلارا قارشی غیرانسانی داورانیشلاردان دا سؤز آچیب:

«گیروو پولونو گؤندرمه‌یه حاضر اولدوغومو صلاحیتلی ارگانلارا بیلدیرسه‌م ده، منی تبریز مرکزی حبسخاناسینا گؤندردیلر و تامامیله قانونسوز اولاراق حبس اولوندوم. حبسخانادا قاسیم بوعدی و امیر مهدی‌پور آدلی دیگر ایکی همکاریم و قتل تؤرتمکده تقصیرلی بیلینه‌ن بیر شخصله بیرلیکده تکاداملیق کامئرا ساییلا بیله‌جک قاپالی بیر محیط‌ده قالدیق. تجریدخانا مسئوللاری معلومات وئردیلر کی، بیزه دانیشماق و گؤروشمک قاداغاندیر، حبسخانادا باشقا شخصلرله علاقه ساخلاماق حقوقوموز یوخدور و حتی عائله‌میزه بئله هئچ بیر حالدا وضعیتیمیزله باغلی معلومات وئره بیلمریک. حبسده اولدوغوموز مدتده مختلف یوللارلا معنوی و فیزیکی تضییقلره معروض قالدیق، حبسخانا رهبرلیگی محکمه کشفیاتینین محافظه‌سی تشکیلاتینین و حبسخانانین محافظه‌سی تشکیلاتینین امری ایله ایمکانلاریمیز محدودلاشدیریلدی. حتی سویوقدان قورونماق اوچون بیزه ایستیلیک آوادانلیغی بئله وئرمه‌دیلر. بو، همکارلاریمیزدان بیرینین خستلیینه سبب اولدو. نهایت، اوکتیابرین ۲۷-ده ایشیمیزه محکمه‌ده باخیلماسی اوچون منی و جناب امیر مهدی‌پورو موقتی اولاراق ضمانته بوراخدیلار».

او، مختلف شعبه‌لرده باره‌سینده آچیلان ایشلردن دانیشیب:

«تبریز حبسخاناسیندان موقتی آزادلیغا چیخاندان سونرا آنلادیم کی، عینی واختدا منه قارشی مختلف شعبه‌لرده اوچ آیری ایش قالدیریلیب. «اؤلکه‌نین تهلوکسیزلیینی پوزماق مقصدی ایله رژیم علیهینه تبلیغات آپارماق» اتهامی ایله پروکورورلوغون ۷-جی شعبه‌سی اتهام آکتی چیخاریب و ایش تبریز انقلاب محکمه‌سینین ۱-جی شعبه‌سینه گؤندریلیب. نویابرین ۲۹-دا موافق شعبه اجلاس کئچیردی و من وکیل سئچیمینه اجازه وئریلمه‌دن اجلاسدا اشتراک ائتدیم. ایلکین باخیش اجلاسیندا منه ۶ آی حبس، ۲ ایل سفر قاداغاسی قویولدو. عدلیه‌نین تهلوکه‌سیزلیک و کشفیاتی محافظه تشکیلاتینین صلاحیتلیلری منی ۶ آی حبس جزاسینا محکوم ائتدیکدن سونرا تبریز باش انقلاب پروکورورلوغونون ۱۵-جی شعبه‌سینده «مدافعه کمیته‌سینین غیرقانونی گروپونو یاراتماق» اتهامی ایله داها بیر ایش قالدیردیلار».

سینا یوسیفی بیلدیریب کی، مقصد اونا اؤلوم حکمو قرارینین چیخاریلماسی اولوب:

«اسلام جنایت مجلله‌سینین ۴۹۸-جی ماده‌سینه اساساً، ۱۰ ایله یاخین حبس جزاسی و «محارب» (اللها قارشی محاربه آپارماق) اولماقدا اتهام اولونا بیلردیم. ایراندا تهلوکه‌سیزلیک و محکمه ارگانلارینین اؤلوم حکمو چیخاراراق و اجرا ائتمکله وضعیتی نظارتده ساخلاماغا چالیشدیغی ایندیکی وضعیتده منیم اؤلوم حؤکموم گؤزله‌نیله‌ن ایدی».

وکیل اؤلوم حکمو جزاسیندان قورتولماق اوچون اؤلکه‌نی ترک ائتمک مجبوریتینده قالدیغینی بیلدیریب:

«۲۰۲۲-جی ایل دکابرین ۱۲-ده و حکمون اجراسینا قدر حیات یولداشیم، ایکی یاشلی اوشاغیملا بیرلیکده ایرانی ترک ائتدیم. اول بیر مدت تورکیه‌ده یاشادیم. بیر هفته‌یه یاخیندیر آلمانیایا کؤچموشه‌م».