کنستین گونئی آذربایجانلا باغلی خاریجی ایشلر ناظیرلیینه مراجعتی گونئی مسئلهسینین بینالخالق موستوییه داشینماسی باخیمیندان چوخ اؤنملیدیر.
بو سؤزلری Axar.az-آ تبریز آراشدیرمالار اینستیتونون متخصصی بابک شاهید کنستده میللت وکیللرینین گونئی آذربایجانلا باغلی مراجعتینی شرح ائدرکهن دئییب.
او، بو مسئلهنین پارلامنت سوییهسینده مذاکیرهسینی بؤلگهده باش وئرن پروسسلرله الاقلندیریب:
«گونئی مؤوضوسو معلوم سببلردن بللی بؤلگهلرین گوندهمیندهدیر. ایندی بو، ایسرایلده آچیق شکیلده مذاکیره ائدیلیر. احتیمال کی، ایسرایل-ایران مناسیبتلریندهکی موجود گرگینلیک سببیندن بو باش وئریب. همچینین، تل-اویوین دیگر اؤلکهلر، اساس دا آمریکا ایله علاقهلری دقته آلینمالیدیر».
او، اؤزونو مخالیفت نمایندهسی حساب ائدن رضا پهلوینین ایسرایللی میلتوکیللریاه مراجعتینه سرت رئاکسییا وئرمهسینین سببسیز اولمادیغینی بیلدیریب:
«رضا پهلوینین ایسرایل پارلامنت نمایندهلرینه سرت رئاکسییا وئرمهسینه بیر نئچه آسپکتدن یاناشماق لازیمدیر. او اؤزونو فارس میللتچیلیینین داوامچیسی اولاراق گؤرور. فارس میللتچیلیگی آنلاییشینین ایدئولوژی تملی تورک و عرب دوشمنچیلیگیدیر. رضا پهلوی ایلک دفعه دئییل کی، گونئی آذربایجان مسئلهسینه قارشی چیخیر. ۲۰۰۶-جی ایل مای قیامیندا «هارای-هارای، من تورکم» شعاری ایله کوچهلره چیخان آذربایجانلیلار اوچون بئله بیر فیکیر دئمیشدی: «اگر صحبت گونئی آذربایجاندان گئدیرسه، من خامنهای ایله بیرلیکده اونلارا قارشی مباریزه ائتمهیه حاضیرام». دیگر طرفدن ایسه پهلوی اؤزونو مخالیفت نمایندهسی اولاراق گونئی آذربایجان آکتیویستلری ایله رقابتده حس ائدیر. بیر نئچه گون اؤنجه پایلاشدیغی ویدئودا دئمیشدی کی، هامی اونون اؤلکهیه دؤنمیینی ایستییر. فقط، تورکچولر و اهوازلار اورتالیغی قاریشدیریر. تورکچولر دئیهنده، گونئی آذربایجانلیلاری نظرده توتور و آچیق شکیلده کیمینله رقابتده اولدوغونو بیان ائتمیش اولور. پهلوینی ایراندا فارس مرکز بؤلگهلری و بللی قروپلار دستکلییر. بو توپلوم اونو سکولیار دولتین رمزی اولاراق گؤرورلر».
پهلوینین گونئی آذربایجاندا هر هانسی نفوذ صاحبی اولمادیغینی دئیهن متخصص اونو دا دقته چاتدیریب کی، «مخالیف لیدر» اؤز طرفدارلارینی ایتیرمکدن قورخدوغو اوچون سسسیزلیینی پوزماق مجبوریتینده ایدی:
«اونون ایسرایله سفرینین آردیندان قیسا مدت سونرا گونئی مسئلهسینین پارلامئنته چیخاریلماسی پهلوینی دستکلهیهنلر اوچون گؤزلنیلمز اولدو. اونو تنقید آتشینه توتدولار. مسئله، خصوصیله، فارس میللتچیلری طرفیندن داها چوخ مذاکیره اولوندو. پهلوی ایسه اؤز طرفدارلارینی بیر نؤو راضی سالماق اوچون بئله بیر سرت آچیقلاما وئرمک مجبوریتینده قالدی».
اکسپرت گونئی آذربایجانلا باغلی مسئلهنین تورک اؤلکهلرینین پارلامنتینده مذاکیرهسینین داها چوخ اهمیت داشیدیغینی دئییب:
«بو آددیم تورک اؤلکهلرینین پارلامنتینده آتیلارسا، گونئی آذربایجان اوچون یاخشی نتیجهلر وعد ائده بیلر. چونکی گونئی مسئلهسی تورک بیرلیکلری اؤلکهلرینین اله آلا بیلجیی مسئلهدیر. گونئی آذربایجاندا حاکم اولان آنا سیاست تورکچولوک، میللی مقدرات و بوتؤو آذربایجانچیلیق مسئلهسیدیر. بو معنادا گونئی مؤوضوسو داها چوخ تورک دونیاسینی ماراقلاندیرمالیدیر. اؤنملی آددیملار آتیلمالی، گونئی آذربایجان کیمی دولتی اولمایان تورک توپلوملارینا حقوقی ایستاتوس تانینمالیدیر».