سون ایللرده میللی فعاللاریمیزین هم داخیلده، هم خاریجده فعالیتلری آرتیب و بو هامیمیزین سئوینجینه سبب اولور. ایندی ایسه خرداد (۲۲ مای) قیامینین ایل دؤنومو یاخینلاشیر. داخیلده و خاریجده اولان فعاللاریمیز بؤیوک قیامیمیزین ایلدؤنومونو قید ائتمک و شهیدلریمیزین خاطرهسینی عزیز توتماق اوچون تدبیرلر پلانلاشدیریرلار. بو تدبیرلردن بیری ده بئرلینده اولاجاق.
بو سؤزلری Axar.az-آ گونازتی.وی-نین قوروجوسو، آمریکادا یاشایان سیاسی فعال احمد اوبالی دئییب.
سیاسی فعال آکسییا اوچون بیرلیک نماییش ائتدیرمیین آذربایجانچیلیق اوچون اؤنملی اولدوغونو وورغولاییب.
"آوروپادا اولان هموطنلریمیزین هامیسینی بیز ده بئرلیندهکی اعتراض و دستک آکسییاسینا قوشولماغا چاغیریریق. دوشمنین قارشیسیندا چیین-چیینه، ال-اله وئریب بیر یومروق کیمی عینی مؤقعدن، آذربایجانچیلیق مؤوقعیندن بو اعتراضلارا قوشولمالیییق. بو آکسییا هر هانسی بیر تشکیلاتین، شخصین طرفیندن تشکیل اولونماییبدیر. هئچ کس کیمسهنین اورادا اولوب-اولماماسینا گؤره مثبت، یاخود منفی فیکیر بیلدیرمهسین. بو اعتراض بوتون میللی فعاللارین طرفیندن تشکیل اولونوب".
او، گوناز تی.وی-نین برلین یوروشونه دستک وئردیینی آچیقلاییب:
"بیز ده اولدن هم فرد اولاراق، هم ده تلویزییا اولاراق بو تدبیرین ایچیندییک. دستک وئریریک و هامینی برلین آکسییاسینا قوشولماغا چاغیریریق. دوشمن قارشیسیندا چیین-چیینه، قول-قولا بیرلییمیزی گؤسترمیین زامانی چاتدیغی اوچون هر کسی ممکن قدر بو آکسییادا فعال اولماغا دعوت ائدیریک".