ایکینجی قاراباغ محاربه‌سی باشا چاتاندان سونرا ارمنیستانلا آذربایجان نماینده‌لری بئله بیر راضیلیغا گلیبلر، اگر کیمسه یولو آزسا، اگر بئله بیر حال باش وئررسه، ماکسیموم ایکی گونه او آداملار قایتاریلمالیدیر.

Axar.az خبر وئریر کی، بونو آذربایجان پرزیدنتی ایلهام علیئو ماین ۲۸-ده لاچیندا بو رایوندان اولان ساکنلرله گؤروشده‌کی چیخیشیندا دئییب.

«بیز بونا عمل ائدیردیک. اونلاری ماکسیموم ایکی گون ساخلاییب، سورغو-سوالا توتوب قایتاریردیق، ملکی وطنداشلاری دا، حربچیلری ده. گؤرون، اونلار نه ائتدیلر؟! اونلار، بیرینجی‌سی، یولو آزمیش حربچیلریمیزی وحشیجه‌سینه دؤیوبلر، قانداللاییبلار، لیاقتینی آلچالدیبلار، دویولمه آنلارینی ویدئویا چکیبلر. اوندان سونرا حبس ائدیبلر و آرتیق محکوم ائدیبلر. بو، هارادا گؤرونوب؟»

ماین ۱۴-ده بروکسلده کئچیریلن اوچطرفلی گؤروشده بونون دؤزولمز اولدوغونو بیلدیردیینی دئین پرریدنت ایلهام علیئو قید ائدیب:

«اگر سیز بو راضیلاشمانی پوزورسونوزسا، بونون آجیسینی سیز اؤزونوز چکجکسینیز».