حساب ائدیره‌م کی، ایرانین آذربایجان وطنداشلارینا مناسیبتی باکی طرفیندن بئله بیر قرارین وئریلمه‌سینده اساس رول اویناییب.

Axar.az خبر وئریر کی، بونو آچیقلاماسیندا حقوق‌شناس غلامحسین علیبیلی آذربایجانین ایونون ۲۳-دن اعتباراً اؤز اراضی‌سینده‌کی هاوا لیمانلاریندا ایران وطنداشلاری اوچون ویزا رسمیلشدیریلمه‌سینی دایاندیرماسینین سببیندن دانیشارکه‌ن دئییب.

غلامحسین علی‌بیلی بیلدیریب کی، بو حال بوتؤولوکده ایرانین آذربایجانا مناسیبتیله باغلی اولان مسئله‌دیر:

"تهران آذربایجان سفیرلیینه هجوم و اورادا وطنداشیمیزین اؤلدورولمه‌سی ایله باغلی آپاریلان ایستینتاقین گئدیشی باره‌ده هئچ بیر معلومات، آچیقلاما وئرمیر. عکسینه، اونلار هجوم ائد‌ن شخصی دلی کیمی قلمه وئریرلر. اول بیلدیردیلر کی، هجوم گویا عائله-معیشت زمینینده اولوب، داها سونرا دا هجوم ائد‌نی دلی آدلاندیراراق خسته‌خانایا سالیبلار. آذربایجان طرفی دفعه‌لرله بیلدیریب کی، پروسس تام آشکارلانمالی، سفیرلییه هجومو حیاتا کئچیره‌نلر و سیفاریشچیلر آشکارلاناراق، مسئولیته جلب اولونمالیدیر. پروسسین گئدیشی گؤستریر کی، ایران آذربایجانلا مناسیبتلری یومشالتماق اوزینه داها دا سرتلشدیرمک یولونو توتور. تهرانین ارمنیستانلا ایستی مناسیبتلر یاراداراق، آذربایجانا قارشی چیخماسی، بیر چوخ حاللاردا وطنداشلاریمیزین ایران‌دا جسوسلوق اتهامی ایله حبسی فونون‌دا آذربایجان دا جنوب اؤلکه‌سی وطنداشلاری اوچون ویزا رژیمینی سرتلشدیرمه‌لی اولوب. ویزا رژیمینین سرتلشدیریلمه‌سی هر بیر دؤلتین اؤز صلاحیتینه عایید مسئله‌دیر. ویزانین نئجه، هانسی قایدادا وئریلجیی و یاخود وئریلمیجیینی هر بیر دؤلت اؤزو معینلشدیریر".

لاکین هم صحبتیمیز بیلدیریر کی، یارانمیش وضعیت‌ده بئله تبریزده‌کی آذربایجان کونسوللوغو فعالیتینی داوام ائتدیره‌جک:

"یقین کی، ایران دا آنولوژی آددیم آتاراق، آذربایجان وطنداشلارینا مناسیبت‌ده سرتلشدیرمه‌یه گئده‌جک و اورا گئدن وطنداشلاریمیزی یئنی‌دن شرله‌مک یولونو توتاجاق. اما بو فوندا آذربایجانین تبریزده‌کی کونسوللوغو دا باغلایاجاغینی دوشونموره‌م. ایندیکی حالدا کونسوللوغون باغلانماسینین گونده‌مده اولان مسئله اولدوغونو ظن ائتمیرم. بو آددیمین آتیلیب-آتیلماماسی مناسیبتلرین سونراکی اینکیشافیندان آسیلی اولاجاق».

اکسپرت یارانمیش وضعیتین ایران-تورکییه ساواشینا گتیریب چیخاراجاغینی دا گومان ائتمیر:

"ایرانلا تورکییه آراسیندا ساواشین اولاجاغینی گؤزلمیرم. طبیعی کی، آذربایجانلا مناسیبتلرین گرگینلشمه‌سی ایرانین تورکییه ایله ده مناسیبتلرینین پیسلشمه‌سینه گتیریب چیخاراجاق. چونکی تورکییه ایله آذربایجان متفیق‌دیر، بیر چوخ مسئله‌لرده بیرگه چیخیش ائدیرلر. اما بوتؤولوکده ایرانلا تورکییه آراسیندا ساواشین اولاجاغینی احتیمال ائتمیرم».

قید ائدک کی، ایرانین آذربایجانداکی سفیرلیگی یایدیغی معلوماتدا ۲۳ ایون ۲۰۲۳-جو ایل تاریخدن باشلایاراق آذربایجان ایران وطنداشلارینا آذربایجانین بین‌الخالق هاوا لیمانلاریندا ویزا رسمیلشدیریلمه‌سینی دایاندیراجاغینی بیلدیریب. معلوماتا اساساً، آذربایجانا سفر ائد‌جک ایران وطنداشلارینین اؤنجه‌دن "آسان ویزا» آلمالاری و یا آذربایجانین تبریزده‌کی باش کونسوللوغوندان ویزا الده ائتمه‌لری خواهیش اولونور.