ایران‌دا حبسده اولان آذربایجان وطنداشی فرید صفرلییه قارشی ایر‌لی سورولن اتهام دییشدیریلیب.

Axar.az خبر وئریر کی، بو باره‌ده آذربایجان خارجی ایشلر ناظیرلیینین مطبوعات خدمتی اداره‌سینین رییسی آیخان حاجیزاده-نین ایران‌دا حبس اولونموش آذربایجان وطنداشی فرید صفرلی ایله باغلی یئرلی مدیانین سوالینا جوابیندا بیلدیریب.

قید ائدیلیب کی، خارجی ایشلر ناظیرلیینین ۹ مارت و ۲ ایون تارخلی مطبوعات آچیقلامالاریندا قید اولوندوغو کیمی، فرید صفرلی باره‌ده معلومات خارجی ایشلر ناظیرلیینه داخل اولان گوندن اعتباراً وطنداشین عاقبتینین و ساغلاملیق وضعیتینین اؤیرنیلمه‌سی، ایران طرفیندن مسئله‌یه آیدینلیق گتیریلمه‌سی، وطنداشین محکمه-پروسسوال حقوقلارینین قورونماسی، ائلجه ده وکیلله تامین اولونماسی استقامتینده هم خارجی ایشلر ناظرلیی، هم ده اؤلکه‌میزین تبریز شهرینده‌کی باش کنسوللوغو طرفیندن موافق ایش آپاریلیب. مسئله ایله باغلی، ایران طرفینه دفعه‌لرله رسمی مراجعتلر عنوانلانیب و متمادی اساسدا مذاکره‌لر آپاریلیب. فرید صفرلینین عائله‌سی و اؤزو ایله علاقه ساخلانیلیب. تبریزده‌کی باش کنسوللوغوموز طرفیندن فرید صفرلی ایله گؤروشلر کئچیریلیب، دئمک اولار گونده‌لیک اساسدا اونونلا تلفون واسطه‌سیله علاقه ساخلانیلیب. فرید صفرلیینین والدینی ایله تلفون علاقه‌سی ساخلاماسینا امکان یارادیلیب.

وطنداشیمیزین حقوقلارینین قورونماسی ایشینین تشکیلی ایله باغلی ایران طرفینه دفعه‌لرله ائدیلمیش مراجعتلردن سونرا، ایران قانونوئریجیلیینه و محکمه پروسسینین طلبلرینه اویغون اولاراق، قارشی طرفدن بیر نئچه وکیل باره‌ده معلومات تبریزده‌کی باش کنسوللوغوموز طرفیندن فرید صفرلینین عائله‌سینه تقدیم اولونوب. آذربایجاندا یاشایان وکیلین پروسسه جلب اولونماسینین ایران قانونوئریجیلیینده نظرده توتولمادیغی بیلدیریلیب.

بونونلا یاناشی، ایران طرفینه محکمه اجلاسلارینین کئچیریلمه تارخلری و باش کنسوللوغوموزون رسمیلرینین اجلاسلاردا اشتراکی باره‌ده سورغو عنوانلانسا دا، طرفیمیزدن ائدیلمیش بو مراجعتلر ایران طرفیندن جوابلاندیریلماییب و محکمه اجلاسلاریندا اشتراک ممکون اولماییب. بونونلا یاناشی، مراجعتلریمیزه باخمایاراق، تقصیرلندیریله‌ن شخص ترجمه‌چی ایله ده تامین اولونماییب.

عینی زماندا، معین ائدیلیب کی، ۱۹ ایول تاریخینده کئچیریلمیش محکمه اجلاسی زمانی فرید صفرلییه قارشی ایر‌لی سورولموش «جاسوسلوق» اتهامی «جاسوسلوق ائتمک نیتی» اتهامی ایله عوض اولونوب.

فرید صفرلیینین والدینینین اوغلونو زیارت ائتمه‌سی اوچون حال-حاضردا ایش آپاریلیر.