آذربایجانین خاریجی ایشلر ناظری جیحون بایراموو ایله شمالی ماکدونییانین خارجی ایشلر ناظری و آوروپادا تهلوکه‌سیزلیک و امکداشلیق تشکیلاتینین فعالیتده اولان صدری بویار عثمانی آراسیندا تلفون دانیشیغی باش توتوب.

بو باره‌ده Axar.az-آ آذربایجان خاریجی ایشلر ناظیرلییندن بیلدیریلیب.

قید ائدیلیب کی، تلفون دانیشیغی زمانی آوروپادا تهلوکه‌سیزلیک و امکداشلیق تشکیلاتینین چرچیوه‌سینده امکداشلیق مسئله‌لری، آذربایجان و شمالی ماکدونییا آراسیندا ایکی‌طرفلی و چوخ‌طرفلی امکداشلیق گونده‌لیی، آذربایجان-ارمنیستان صلح پروسسی و بؤلگه‌ده مؤوجود وضعیت مذاکره اولونوب.

بایراموو ارمنیستان طرفیندن آذربایجانین اراضی بوتؤولویو و سوورنلیینه قارشی آرتان تخریباتلارین صلح پروسسینین ایر‌لیلمه‌سینین قارشی‌سینین آلینماسینا حسابلاندیغینی دقته چاتدیریب. خصوصیله، ارمنیستانین بؤلگه‌ده ثابتلیین برقرار ائدیلمه‌سی، ارمنی ساکنلرین آذربایجان جمعیتینه رینتگراسییا سعیلرینه تهدید تؤردن لاچین سرحد کئچید منطقه‌سینه قارشی تؤرتدیی تخریباتلارینین بو اؤلکه‌نین صلح پروسسینده ماراقلی اولمادیغینی گؤستردیی بیلدیریلیب.

ناظر ارمنیستانین «بؤلگه‌ده گرگین هومانیتار وضعیت»، «بلوکادا» کیمی ادعالار ایر‌لی سورمه‌سینین هئچ بیر اساسینین اولمادیغینی، ارمنی ساکنلرین طلباتلارینین اؤد‌نمه‌سی اوچون طرفیمیزدن تکلیف اولونان «آغدام-خانکندی» یولونون فعالیتینه مانعه‌لر تؤردیلمه‌سینین ده مسئله‌نین ارمنیستانین تقدیم ائتدیی کیمی هومانیتار کاراکترلی دئییل، سیاسی اولدوغونو نمایش ائتدیردیینی دقته چاتدیریب.

ارمنیستانین ۳۰ ایله یاخین حربی اشغالینین، پست-مناقشه دؤورونده ایسه بین‌الخالق حقوق نرمالارینا و عهده‌لیکلرینه ضد اولاراق لاچین یولوندان حربی مقصدلر، طبیعی رسورسلاریمیزین ارمنیستانا داشینماسی، مینا تهدیدینین داوام ائتدیریلمه‌سی مقصدیله استفاده ائتمه‌سینین قبول‌ائدیلمزلیی، بو تخریبات‌چی آددیملارین قارشی‌سینین آلینماسی اوچون لاچین سرحد بوراخیلیش منطقه‌سینین اهمیتی ناظر بایراموو طرفیندن قید اولونوب.

تلفون دانیشیغی زمانی، همچینین قارشی‌لیقلی ماراق دوغوران دیگر مسئله‌لر اطرافیندا فکر مبادله‌سی آپاریلیب.