ارمنیلرین "ماشین شووسو"نو تعقیب ائدیریک. آذربایجان علیهینه تبلیغات آپارماقلا مشغولدورلار. بورادا ارمنیلرله یاناشی، ایرانین دا الینین اولماسینی استثنا ائتمیریک.

بو سؤزلری Axar.az-آ گونئی آذربایجان ایستیقلال پارتییاسینین صدری صالح ایلدیریم دئییب.

او بیلدیریب کی، ایرانین بئله بیر فورصتی دیرلندیرمه‌مه‌سی ممکن دئییل:

«بوتون حاللاردا آذربایجان علیهینه قیشقیرتمالارین آرخاسیندا ایران دایانیب. ۴۴ گونلوک وطن محاربه‌سینده رژیمین ارمنیستانین یانیندا یئر آلماسی بیزی بو حاق‌دا یئنی‌دن دوشونمه‌یه وادار ائدیر. گومان ائدیره‌م کی، سوروجولرین اکثریتی فارسلاردیر. ایران رژیمی خصوصی یئتیشدیریلمیش آداملارینی و اطلاعات-دان اولان شخصلری سوروجو اولاراق خانکندییه گؤندرمک ایستیر. چونکی بؤلگه‌ده باش وئره‌نلری اطرافلی ایزله‌مک اوچون ایران بو فورصتی قاچیران دئییل. اودور کی، یاییلان خبرلرین حقیقی‌لییی هئچ ده شوبهه دوغورمور. حتی بیر آز دا ایر‌لی گئده‌رک، بونو دئیه بیلره‌م کی، ارمنیلردن داها چوخ ایرانین تیر-لاردا گؤندردیکلری خصوصی آگنتلری خانکندییه داخیل اولان کیمی موطلق بیر شکیلده گروپلاشمالار یاراداراق، ایغتیشاشلار تؤرتمه‌یه جهد ائد‌جکلر.

مقصدلری بو قاریشیقلیغی آذربایجان علیهینه ایستیفاده ائتمکدیر. امینلیکله دئیه بیلره‌م کی، ایران «هومانیتار شوو»نون ترکیب حیصه‌سی‌دیر. اودور کی، تیر سوروجولرینین بیر چوخونون ارمنی دئییل، رژیمین آداملاریندان اولماسی استثنا ائدیلمه‌مه‌لیدیر. حتی بو ماشینلارین بیرباشا ایران‌دان یوک دولدوروب گتیردیکلرینی دئیه‌نلر ده وار. منطیق‌لیدیر. ایرانا مخصوص ماشین نمره‌لرینی دییشیب، ارمنیستان نیشانلی نمره‌لرین تاخیلماسی دا ممکن‌دور. ایران ایشغال رژیمی هر بیر فیتنه تؤرتمک اقتداریندادیر. بو خبرلرین حقیقی‌لییی ده تئزلیکله اورتایا چیخاجاق».

صالح ایلدیریم قید ائدیب کی، ایرانین بو ایشده مقصدی قاراباغ ارمنیلرینین آذربایجانلا بیرگه یاشاییش پروسسینه مانعه یاراتماقدیر:

«آذربایجان و تورک دوشمن‌لییی ایران رژیمینین اساس سیاستیدیر. بو سیاسته ارمنیلری ده آلت ائدیبلر. دئیه بیلره‌م کی، بؤلگه‌ده گرگینلیک یاراتماق، زنگزور دهلیزینین آچیلماسینا مانعه اولماق، ارمنیستان و آذربایجان آراسیندا صولح پروسسینی لنگیتمک ایرانین اساس هدفی‌دیر. ایران رژیمی آذربایجان علیهینه بوتون امکانلاری ایستیفاده ائتمکدن چکینمیر».