آوگوستون ۱۸-ی سحر ساعتلاریندا آذربایجان اراضیلرینده موقتی یئرلشن روسیا صلح‌مراملی کونتینگنتینه مخصوص دؤیوش ماشینینین مشایعتی ایله قاراباغ اقتصادی رایونوندا غیرقانونی ارمنی سلاح‌لی بیرلشمه‌لری و ارمنیستان سلاح‌لی قوه‌لرینین قالیقلارینین خانکندی-گایبالی-دوکانلار-خلفه‌لی مارشروتو ایله دؤیوش مؤقعلرینی گوجله‌ندیرمه‌سی مشاهده ائدیلیب.

بو باره‌ده Axar.az-آ مدافعه ناظیرلییندن معلومات وئریلیب.

تکنیکی مشاهده واسطه‌لریله الده ائدیله‌ن گؤرونتولرده قانونسوز داشیمالارین حیاتا کئچیریلمه‌سی اوچون ایچریسی سلاح، دؤیوش سورساتی، ائلجه ده پیادا و تانک علیه‌اینه مینالارلا دولو تعجیلی طبی یاردیم ماشینینین دا کولوندا حرکتی قیده آلینیب.

قید ائدک کی، ارمنیلرین بوندان اول هوا مکانیمیزدان کئچه‌ن ملکی طیاره‌لرین اوچوشلارینین تهلوکه‌سیزلیینه جدی تهدید یارادان آر.ای.ام واسطه‌لری قوراشدیرماقلا تعجیلی طبی یاردیم ماشینلاریندان حربی مقصدلر اوچون استفاده ائتدیی ده طرفیمیزدن قیده آلینمیشدی.