حکومت اورمو گؤلونو قصداً قورودور. اونا گؤره ده ملتین بو استقامتده اعتراض آکسیاسی کئچیرمه‌سینه اجازه وئرمه‌یه‌جک.

بو سؤزلری Axar.az-آ گونئی‌لی ملی فعال قدیر جلیل‌اوغلو اردبیلده آوگوستون ۲۷-ده اورمو گؤلو ایله باغلی کئچیریلمه‌سی نظرده توتولان اعتراض آکسیاسیندان دانیشارکن دئییب.

او، حکومتین آکسیانین کئچیریلمه‌سینه اجازه وئرمه‌سی ایله باغلی یاییلان خبرلره توخوناراق، صورتی یاییلان مکتوبون تام اولاراق اجازه مکتوبو اولمادیغینی بیلدیریب:

«اردبیل ولایتینین باشچی‌سینا اعتراض آکسیاسینین کئچیریلمه‌سی اوچون مکتوب گؤندریلیب. بو مکتوب اجازه آلماق مکتوبودور. مکتوبدا اورمو گؤلونون قوروماسی و آراز چایینین چیرکلنمه‌سیندن بحث ائدیلیر. مراجعت ائد‌نلر آوگوستون ۲۷-ده اردبیلین شریعت میدانیندا اعتراض آکسیاسی کئچیرمک ایستکلرینی بیلدیریب. بؤیوک احتماللا اجازه وئریلمه‌یه‌جک. چونکی بو گؤلون قوروماسینا رژیم اؤزو فرمان وئریب. سپاه کماندیرلریندن بیری اورمو گؤلونون مدافعه‌سینه اعتراض ائد‌نلری دولت نظامینی پوزماقدا گناهلاندیریب. دوشونمورم کی، ایران رژیمی آذربایجان‌لیلارا قارشی گئری آددیم آتسین. عکسینه، باجاردیغی قدر اونلارا تضییق گؤسترجک. آرتیق ۴ فعال خانیمی اطلاعات-آ چاغیریلیبلار، دیگر میللی فعاللاری ایسه حبسه آتیبلار. هئچ بیر شکیلده آذربایجان‌لیلارین بو استقامتده فعاللیق گؤسترمه‌سینه امکان وئرمزلر».

قید ائدک کی، بعضی سوسیال شبکه‌لر ملی فعاللار عاقیل آذردوخت و عبدالعزیز عظیمی قدیمینین اردبیل ولایتینین باشچی‌سی ایله گؤروشه‌رک، اعتراض آکسییاسی کئچیرمک اوچون اجازه آلدیقلاری حاقدا خبرلر پایلاشیبلار.