نیکول پاشینیان بو یاخینلاردا آذربایجانین ۱۹۹۱-جی ایل سرحدلری داخیلینده اراضی بوتؤولویونو تانیدی، یعنی «قاراباغ آذربایجاندیر» دئدی.

Axar.az خبر وئریر کی، بونو «روسییا سگودنیا» مدیا گروپونون باش دیرکتورو دمیتری کیسلیوو مؤلف وئریلیشینده ارمنیستان رسمیلرینین روسیا علیه‌اینه چیخیشلارینا جواب اولاراق دئییب.

«داها اول، او، نمایشکارانه شکلده شوشایا یوللاناراق رقص ائتمیشدی و بو، آذربایجان اوچون حددن آرتیق بؤیوک قیجیق، پروبلمین حربی یوللا حلینه تکان اولدو. داها سونرا محاصره‌یه دوشموش ۳۰ مین ارمنی حربچینی پوتین خلاص ائتدی. عکس تقدیرده، قان سو یئرینه آخاجاقدی. یاخشی اولاردی کی، بونو اونوتماسینلار. سیندیرماق قورماق دئمک دئییل. بو، دولتلرآراسی مناسبتلر اوچون ده عدالتلیدیر. بو یولدا ارمنیستان اوچون قالیبیت یوخدور»، - کیسلیوو بیلدیریب.