روسییا حکومتینین تشببوسو ایله آذربایجان قیزیل آیپارا جمعیتی و روسییا قیزیل خاچ جمعیتینین بیرگه امکداشلیق مموراندومونا اساساً، آذربایجانین قاراباغ اقتصادی رایونوندا یاشایان ارمنی ساکینلرینین ارزاغا اولان احتیاجلارینین قارشیلانماسی مقصدیله روسییا قیرمیزی خاچ جمعیتی طرفیندن گؤندریله‌ن هومانیتار یوک بو دقیقه‌لرده آغدامدان خانکندییه یولا دوشوب.

Axar.az خبر وئریر کی، ارزاق و غیری-ارزاق محصوللاری یوکلنمیش تیر روسییا صولحمراملیلارینین پوستوندان عسگران-خانکندی ایستیقامتینه کئچیب. یوکون آغدام-خانکندی یولو ایله قاراباغدا یاشایان ارمنی اصیل‌لی شخصلره چاتدیریلماسی نظرده توتولور.

قید ائدک کی، روسییا قیزیل خاچ جمعیتی طرفیندن گؤندریلن هومانیتار یوک خانکندینه کئچمک اوچون سنتیابرین ۹-دان برده‌ده گؤزلییردی.