آذربایجانین بؤیوک شاعری شهریارین حیاتینین آذربایجانا حصر اولونموش بؤلومو یارادیجیلیغینین ایکینجی یاری‌سیندان باشلاییر. اونون اثرلری ایستر قوزئی، ایسترسه ده گونئی آذربایجان ادبیاتینا اینجیلر بخش ائدیب.

بو سؤزلری Kult.az-آ گونئی‌لی ملی فعال، گونئی آذربایجان ملی قورتولوش تشکیلاتینین صدری ائلدار قاراداغلی گؤرکملی شاعر محمدحسین شهریار حاقیندا دانیشارکن دئییب.

اونون سؤزلرینه گؤره، فارس و تورک دیلینده اثرلر یازیب-یارادان شاعرین وفات ائتدیی گون بوتون آذربایجان خالقینین ان کدرلی گونلریندن بیریدیر:
«۱۸ سنتیابر ۱۹۸۸-جی ایلده منیم ده اشتراک ائتدییم مراسمده داهی شاعر آذربایجان خالقینین چیینلری اوستونده وصعیتینه اویغون اولاراق تبریزده تورپاغا تاپشیریلدی. ایران حکومتی اونو تهراندا دفن ائتمه‌یه جهد ائتسه ده، بونا نائل اولا بیلمه‌دی. شریعت دولتینده وصعیت واجب اولدوغو اوچون رژیم گئری اوتوردو».

او، شاعرین هم ایران، هم ده آذربایجاندا یارادیجیلیغینین قیمتلندیریلمه‌سیندن دانیشارکن ملا رژیمینین اونا صاحبلنمک جهدلرینه توخونوب:
«ایراندا اونا ۲۰۰۲-جی ایلده «ملی شاعر» آدی وئریلدی. اوندان اول ایسه قوزئی آذربایجاندا شهریارین ارثی حیدر علیئو طرفیندن یوکسک قیمتلندیریلدی. اونون آذربایجان ادبیاتینداکی خدمتلرینه گؤره ۹۰ ایللیینین قید اولونماسی و خاطره‌سینین عزیز توتولماسی تهران رژیمینه سرت شیلله اولدو. بو او دئمک ایدی کی، آذربایجان اؤز اؤولادینا صاحب چیخیردی. آذربایجان رسپوبلیکاسی اؤز ملی شاعرینین آدینی یاشاتماق اوچون پچت مارکاسی دا چاپ ائتدیردی. ۸ ایلدن سونرا آیلان تهران رژیمی شهریارا نظامی، قطرانی کیمی صاحبلنمیی، فارس شاعری کیمی تقدیم ائتمه‌یه چالیشیر».

شهریار یارادیجیلیغیندا آذربایجان و تورک مؤوضوسونون باشلیجا خط تشکیل ائلدیینی دئیه‌ن قاراداغلی وورغولاییب کی، تهران رژیمینین آذربایجان شاعرینی فارسلاشدیرماق جهدی باش توتمایاجاق:

«شهریار ۲۰ عصر آذربایجان پوئزییاسینین باشدا گلنلریندن بیریدیر. هله سووئتلر دؤنه‌مینده گونئی و قوزئی آراسیندا بیر کؤرپو ایدی. «حیدر بابایا سلام» شعری ایله هر ایکی طرفین اوریینده اؤزونه‌مخصوص ایز بوراخمیشدی. شاعرین «سهندیه» اثری ایسه آذربایجانلا یارانان باغلارینی داها دا محکملندیرمیش اولدو. بو صنعت نمونه‌سی ملتیمیزی فارسچی‌لیقدان قوپاران ان بؤیوک اثرلردن بیری ساییلیر. «مومیا آداملار» شعری ایله ده ملی کیملیینی اؤنه چیخاریر. «بیر زمان آییلدیم کی، مومیالانمیشام و اؤز آنامی بئله تانیماق ایسته‌میرم»، - دئیه‌ن شاعر بونونلا دا اؤزونون آذربایجان تورکو اولدوغونو، بوندان گوج آلدیغینی آچیق شکلده اورتایا قویدو. بوتون بونلاری گؤرن تهران رژیمی اونون یارادیجی‌لیغینا کؤلگه سالماغا چالیشیردی. حتی دنیانین ۷۰-ا یاخین دیلینده چاپ اولونان «حیدربابایا سلام» پوئماسی ایراندا لایقلی یئرینی توتا بیلمه‌دی. اونون تبلیغ اولونماسینین قارشی‌سی آلیندی».

او بیلدیریب کی، رژیمین ۱۸ سنتیابری - شاعرین وفات ائتدیی تاریخی فارس دیلی ایله علاقه‌لندیرمک جهدی بیر سیاستدیر:
«بوندان او طرفه کئچیب، مقصدینه نائل اولا بیلمز. چونکی نه ایران فاشیستلری بو گونو منیمسه‌دیلر، نه ده آذربایجان بو گونو فارس دیلی گونو اولاراق قبول ائتدی. آذربایجان تورکلرینین ایران-فارس فاشیستلری ایله باغلی‌لیغی تمامیله قوپوب. بیزیم باخیشلاریمیز بؤیوک آذربایجانا دوغرودور. اونلارین باخیشی، سیاستی ایسه دشمنچی‌لییه و تورکلری محو ائتمه‌یه یؤنلیب. اودور کی، شهریار فارسلارین شاعری دئییل، نئجه کی، قاراباغ آذربایجاندیر، ائلجه ده شهریار آذربایجانیندیر!»