خانکندی سرعتله سپاراتیزمدن، ترورچولاردان تمیزلنیر: خانین کندینده و اطرافیندا اونیللرله ییغیلان سلاحلار، آغیر حربی تکنیکا تحویل آلینیر؛ خانین کندینده ترورچو-سپاراتچی خونتایا اؤزونو بوراخماق و آذربایجان بایراغینی قالدیرماق اوچون واخت وئریلیب.

سئپارات‌چی-ترورچولار - ایللرله آذربایجانا میدان اوخویانلار، مولکی آذربایجانلیلاری قتله یئتیرنلر، بیزی یوردوموزدان دیدرگین سالانلار... ایندی قاچماق اوچون یوللار آختاریرلار: «لاچین» پستو قورولوب، ارمنیستانلا سرحدی دولت سرحد خدمتی قورویور، هوا نقلیاتی اوچون بئله آذربایجانین راضی‌لیغی گرکدیر – نئجه قاچاجاقلارینی بئله بیلمیرلر.

تام ۳ ایل بوندان اؤنجه، ۲۶ سنتیابر ۲۰۲۰-جی ایلده کیمسه‌نین آغلینا گلمزدی کی، آذربایجان کئچمیش داغلیق قاراباغ اطرافیندا اولان ۷ رایونو آلاجاق.

تام ۳ ایل بوندان اؤنجه، ۲۷ سنتیابر ساعت ۰۶:۰۰-دا اردوموز ۲۰۰ ایلین اؤجونه باشلادی و آلدی – هم قصاصی، هم ده ۷ رایونو!

ایلهام علیئو بوتون دنیا گوجلرینه سینه گریب، کئچمیش داغلیق قاراباغین کئچمیش سرحدلری داخیلینه گیرمک امری وئردی – هادرود، سوقووشان، خوجاوند و البته کی، شوشانی حرب یولو ایله آزاد ائتدی!

دشمن چؤکدو...

بو، همان شوشا ایدی – بیر نئچه ایل اؤنجه‌یه قدر «شوشادان الینیزی اوزون، شوشا هئچ واخت قاییتمایاجاق. شوشایا گئتمک ایستییرسینیزسه، ارمنیلردن ایزن آلین، توریست کیمی زیارت ائدین» دئین شخص و یا شخصلر شوشا آزاد ائدیلندن سونرا کؤنلوموزون پایتاختینا ایلک آپاریلانلارین اؤنونده اولدولار.

سانکی «نولدو...» سؤزو بو دفعه پاشینیانا یوخ، اونلارا دئییلیردی: آلین، باخین، گزین – توریست کیمی، ارمنیلردن ایزن آلاراق گلمیرسینیز، سیزی بورا آذربایجان دولتی گتیریر!

شوشانین قاپیسی مسجد کیمی، زیارتگاه کیمی اوزوموزه آچیلدی و آچیلان بو زیارتگاها ایلک گئدنلر سیراسیندا آبیرلارینا قیسیلمایان(لار) دا واردی – شوشانین قاپی‌سی آچیق اولاندا، نه اولار کی...

درحال خوجالی خاتیرلاندی: روس صلح‌مراملیلارین قرارگاه قوردوغو خوجالی؛ روسیانین ۳۶۶-جی آلایینین بیرباشا دستیی ایله اشغال ائدیلن و سویقیریم حیاتا کئچیریلن خوجالی!

سانکی قرارگاهین اورا سالینماسی دا قصد ایدی!

ایندی ده «خانکندی، خوجالی...»دان «الیمیزی اوزمک» ادعالاری سسلندی!..

بودور، اردوموز خوجالی‌دادیر!

بودور، اردوموز خانکندینین قصبه‌لرینده - کرکی‌جاهاندا، مال‌بیلیده‌دیر!

بودور – قاراباغ قاریش-قاریش اشغالدان تمیزلندی؛ ۱۹۲۳-جی ایلین لعنتی – آذربایجانین ایچینده «داغلیق قاراباغ مختار ولایتی» آدلی قارایارا کسیلیب آتیلدی!

ایلهام علیئو دئمیشدی آخی: هئچ بیر استاتوس اولمایاجاق، جهنمه، گورا گئتدی استاتوس!

۱۹۹۱-جی ایلین ۲۶ نویابریندا دقمو ده-یورئ لغو ائدیلسه ده، دئ-فاکتو بوردا بیر خونتا قورولموشدو، حتی «مستقللییه» ادعا ائدیردی؛

ایلهام علیئو دئ-فاکتو لغوائتمه‌نی تام-تامینا باجاردی، آذربایجانین اراضی بوتؤولویونو قید-شرط‌سیز تامین ائتدی، دولتیمیزین اونیتارلیغینی رسمیلشدیردی!

ایندی ده خوجالینین قاپیسی بیر مسجد کیمی، زیارتگاه کیمی آچیلاجاق؛

ایندی ده خانکندی آذربایجانلیلاری قبول ائتمه‌یه باشلایاجاق!

اینانیلماز خوشبخت‌لیکدیر!

...یئنه «مسجدین قاپی‌سی آچیلان کیمی» – خانکندینین آذربایجان شهری اولاجاغینی قطعی شکلده قبول ائتمه‌ین، بونو تبلیغ ائد‌ن و میللتین روحونا ویروس کیمی دالاشانلارین اورا ایلک دعوت ائدیلجیینه شبهه ائتمیرم؛

یئنه خوجالیدا سویقیریمی آذربایجانلیلارین تؤرتدیینی ادعا ائدیب، ارمنیلرین و ارمنی دیاسپورونون الینه اوینایانلارین بو اوجاقلارین آچیق قاپی‌سیندان ایلک کئچجیینه سئوینجییک!

گئدین، گؤرون، باخین – ایللرله میللی هدفیمیزه قارشی چیخدیغینیزا گؤره خجالت چکیب، اوتاناجاغینیزی گؤزله‌میرم، عکسینه، اوردا دا عنعنه‌وی اولاراق میدان اوخویاجاغینیزی و خانین کندینده ده سسینیزی قالدیراجاغینیزی – سانکی ندنسه ناراضیسینیز - لذتله ایزلیجییک!

گئدین و واختیله «جناب پرزیدنت» دئدیینیز آرکادی گوکاسیانی آختارین: او واختا قدر قاچماسا، بونکرده-زاددا تاپسانیز، مصاحبه آلسانیز، اونا نئجه مراجعت ائدجیینیزه صبرسیزلنیرم...

البته کی، اساس اولان سیزلرین اینانمادیغینیزا، آرزولامادیغینیزا - آذربایجانین قدرتینه ایلک شاهدلیک ائتمیینیزدیر – گئریسی بوش شی‌دیر!

البته کی، اساس اولان عسگریمیزین آیاغینین تاریخی تورپاقلاریمیزدا اولماسیدیر!

اساس اودور کی، ایچینیزده نه داشیماغینیزدان آسیلی اولمایاراق، او مقدس یوردوموزا ۱۰۰ ایلدن سونرا دؤنوشوموزون محتشملیینی مشاهده ائدجکسینیز!

بو، یوزلرله، مینلرله آدینی بیلدییمیز، بیلمدییمیز قهرمانلاریمیزین، بو تورپاقلار اوغروندا جانینی اوف دئمه‌دن وئرنلرین آرزوسودور!

بو، ۱۰۰ ایللیک ایستییمیز، ۳۵ ایللیک خیالیمیزدیر!

۲۸،۵ ایلدیر شوشانی دهشتلی درجه‌ده آرزولایانلار ۳۵ ایلدیر خانکندینی – بو گؤزل، چیچک کیمی تمیز، واله‌ائدیجی شهری یالنیز خیال ائدیردیلر!

ایلهام علیئو بو اینانیلمایاجاق، رئاللاشماسینی یالنیز خیال ائتدییمیز آرزوموزو گؤیرتدی!

ایلهام علیئو هئچ بیر استاتوس وئرمدن تورپاقلاریمیزی بوتؤولشدیردی!

ایلهام علیئو بو خیاللارین گئرچکلشدیردیی گون... - دایانمادی، یورولمادان، اوسانمادان، میللی هدفلره دوغرو آددیملاریندا بیرجه آن فاصله وئرمدن – آنیندا، مقامیندا ناخچیواندا قارداشینی قبول ائتمکله، داها بیر یول اوچون مبارزه آپاردیغینی اورتایا قویدو!

بو یول زنگزوردان کئچن قیزیل آلمادیر!

ایلهام علیئو بو خالقین سون یوز ایلده ان بؤیوک تاریخینی یازیر!

ایلهام علیئو سون یوز ایلده ایلک دفعه آذربایجانین داخیلینه یوخ، اطرافینا باخیر!

ایلهام علیئو الاهی لوطفدن استفاده ائدیر، تاریخین محتشم شانسیندان تکجه یارارلانمیر، هم ده بو تاریخی شانسلاری اؤزو، اؤز الی، اؤز فهمی، اؤز ادراکی، اؤز قابیلیتی ایله یارادیر!

یارادیر، استفاده ائدیر و آنیندا، درحال نؤوبتی مرحله‌یه کئچیر!

تصور بئله ائتمیرم کی، دنیادا اؤز پرزیدنتینه بو قدر گوونمکدن بؤیوک قورور اولا بیلر!

تصور بئله ائتمیرم کی، دنیادا میللتینی میللی هدفلرینه گؤتورن پرزیدنتین یازدیغی تاریخین اشتراکچی‌سی اولماقدان بؤیوک خوشبختلیک اولا بیلر!

حیدر علیئوین تؤکدویو ستونلارین اوزرینده دایانیب، اؤلکه‌نی آیاغا قالدیران ایلهام علیئوین غیرعادی سیاسی، حربی مانورلرینی ایزله‌مکدن گؤزل بو دنیادا نسه وارمی بیزیم اوچون؟

هامی ایلهام علیئودن بیر آددیم گئریده‌دیر – تکجه بیز عادی وطنداشلار و پولیتولوقلار یوخ، ماکرونو دا، شولتسو دا...

اونا گؤره بعضیلری بعضا شبهه‌یه قاپیلیر. آنجاق قیسا زماندا بللی اولور کی: نه، نه واخت و نئجه ائدیلیر!

...صاباح آنیم گونودور!

صاباح بؤیوک ظفرله باشا چاتان ایکینجی قاراباغ ساواشینین باشلادیغی گوندور!

بیز بو گونه خوجالی‌لی، خانکندی‌لی داخیل اولوروق...

بو میللته تاریخی شانس یارادیب، تاریخ یازان لیدر یئتیرن الاهینین لطفونه شوکور!