ساموئل بابایان قاراباغدان ارمنیستانا نئجه کئچدیینی آچیقلاییب. اعتراف ائدیب کی، ارمنیستانا قاییدان آغدره‌ده‌کی ارمنیلرین ماشین کاروانیندا لاچین سرحد-کئچید منطقه‌سینی کئچه بیلیب. گؤرونور، قاریشیق‌لیقدان ایستیفاده ائد‌رک، ساده ارمنی ساکینلرین آراسیندا کئچمه‌یه نایل اولوب. لاکین بو، قاراباغدا قالان سپاراتچیلارین کئچمیش «رهبرلر»ینین قاچماسی اوچون پروبلم یاراداجاق، چونکی اونون آچیقلاماسی لاچین پوستوندا نظارت تدبیرلرینین گوجلندیریلمه‌سینه سبب اولا بیلر.

Axar.az خبر وئریر کی، بو سؤزلری پولیتولوگ آصیف نریمانلی قید ائدیب.

او بیلدیریب کی، بابایانین مقصدینین ده بو اولدوغو استثنا دئییل:

«اونون قاراباغداکی دیگر سپاراتچیلارلا مناسیبتلری کسکین ایدی، حتی «مافییا حسابلاشماسی» بئله آپاریردیلار و بو قارشی‌دورمانین ارمنیستان‌دا دا داوام ائدجیی گؤزلنیلیر. باکو ساآکیان، آرکادی گوکاسیان کیمی سپارات‌چیلار ارمنیستانا گئده بیلسه‌لر، کئچمیش «قاراباغ کلانی» اطرافیندا پاشینیان حاکمیتینه قارشی مباریزه آپاراجاقلار. بونو نه نیکول، نه ده اونونلا ایشله‌یه‌ن ساموئل ایستییر. بابایان اونلارین آذربایجاندان چیخیشینین قارشی‌سینی آلماق اوچون، بئله دئمک ممکونسه، باکییا «پوستدا نظارتی گوجلندیرین» مئساژی اؤتورور».