۳ ایل اؤنجه - ۴۴ گونلوک ساواش سونراسی، ۱۰ نویابر بیاننامه‌سینه آغیز بوزن، آشاغیلایان، بینمه‌ین، قلبه‌میزی "یاریمچیق" آدلاندیران و حاکمیتی اودوزماقدا، گئری چکیلمکده اتهام ائد‌ن مخالفت صدرلری، عیسی قمبر، علی کریملی، عاریف حاجی‌لی، جمیل حسنلی و دیگرلری، سیزه سسلنیرم.

بو گون، محض بو گون رئاللیق دیکته ائدیر کی، اعتراف ائدسینیز: قاراباغ بوتؤو، محض سیزین ده تصویر ائتدیینیز شکیلده آزاد اولوندو، خانکندی، خوجالی، آغدره، خوجاوند آرتیق بیزده‌دیر.

سپارات‌چی رژیم دارماداغیندیر، رهبرلری حبس اولونور. بو، ایلهام علیئوین بؤیوک، چوخ بؤیوک، حتی تصور بئله ائتمدییمیز مثل‌سیز بؤیوک اوغورودور، ظفریدیر. نهایت، بونو دیله گتیرین، دولتیمیزی، اردوموزو، عالی باش کماندانیمیزی تبریک ائدین! چونکی سیزین قارشینیزا قویدوغونوز، سیاسی مبارزه‌نیزین قایه‌سی حساب ائتدیینیز و سیزی سیاسته گتیرن مسئله - قاراباغ مناقشه‌سی همیشه‌لیک حل اولوندو.

سیزین "ائدجییک"، "ائده بیلریک" دئدیینیز هر شیی ایلهام علیئو ائتدی، ممکونسوزو ممکون ائتمیی باجاردی، آدینی تاریخه یازدی و خالقیمیزین ابدی سئوگی‌سینی، دعاسینی، آلقیشینی قازاندی. بونو دئمک، اعتراف ائتمک، ویرتوال دا اولسا، قالیب رقیبین "الینی سیخماق" سیاسی مدنیت اولاردی، وطنپرورلیک اولاردی، عدالت اولاردی، کیشی‌لیک و لیاقت اولاردی.

نه قدر گئج دئییل، ائدین بونو...