یوخاری

شوشا مهم توپلانتییا ائو صاحبلیی ائتدی

آنا صحیفه گوندم
12 Punto 14 Punto 16 Punto 18 Punto

اوکتیابرین ۳۱-دن نویابرین ۴-دک شوشادا و باکی‌دا ۱-جی بین‌الخالق تورکسوی تئاتر فستیوالی کئچیریلیر.

Axar.az خبر وئریر کی، فستیوال آذربایجان خالقینین عموم‌میللی لیدری حیدر علیئوین ۱۰۰ ایللیک یوبیلیی و شوشا شهرینین ۲۰۲۳-جو ایل اوچون «تورک دنیاسینین مدنیت پایتاختی» اعلان ائدیلمه‌سی، آذربایجان پئشکار میللی تئاترینین یارادیلماسینین ۱۵۰ و تورکسوی-اون ۳۰ ایللیک یوبیلیلری مناسبتیله گئرچکلشیر.

اوکتیابرین ۳۱-ده فستیوال چرچیوه‌سینده شوشادا تورکسوی-آ عضو اؤلکه‌لرین دولت تئاترلاری رهبرلری شوراسینین ۹-جو توپلانتی‌سی کئچیریلیب. توپلانتیدا تورکسوی-آ عضو اؤلکه‌لر - آذربایجان، قازاخیستان، قیرغیزیستان، اؤزبکیستان، تورکیه، تورکمنیستان، شمالی کیپر تورک جمهوریتینین و گاگاووز یئری (مولدووا) دولت تئاتر رهبرلری اشتراک ائدیب.

قوناقلار توپلانتیدان اول شوشا شهرینین تاریخی مکانلاری و اسرارانگیز طبیعتی ایله تانیش اولوبلار.

شوشا قالا دیوارلارینی زیارت ائد‌ن قوناقلارا شهرین تاریخی، قالا دیوارلارینین تیکیلمه‌سی باره‌ده معلومات وئریلیب. بیلدیریلیب کی، قاراباغ خانی پناه‌علی خان طرفیندن انشا ائدیلن قالا اوزون مدت شهری خارجی مداخله‌لردن قورویوب، آلینمازلیق سیموولو اولوب. اشغال دؤورونده قالا دیوارلاری ارمنی واندالیزمینه معروض قالیب. شوشا شهری دولت قوروغو اداره‌سینین بلدچی‌سی قوناقلارا شهر باره‌ده معلومات وئریب. شوشانین محله‌لری، خان قیزی بولاغی، شوشا قالاسینین گنجه قاپی‌سی، یوخاری گؤوهر آغا مسجدی، مهمانداروولارین مالکانه‌سی، قازانچی کلیسه‌سی حاقیندا دانیشیب. قوناقلار ملا پناه واقفین موزئی-مرتبه کمپلکسینی زیارت ائدیب، اورتاق ادبی دیرلریمیزله باغلی دوشونجه‌لرینی بؤلوشوبلر.

گزینتی زمانی اشغال دؤنه‌مینده مدنیت عابده‌لریمیزه ارمنیلر طرفیندن وورولان زیان، قدیم آرتفاکتلاریمیزین ساختالاشدیریلماسی باره‌ده ده معلومات وئریلیب. بیلدیریلیب کی، شوشا اشغالدان آزاد ائدیلدیکدن سونرا بورادا گئنیش‌مقیاسلی برپا-قوروجولوق ایشلرینه باشلانیلیب. اینفراستروکتورون قورولماسی ایله یاناشی، شوشادا شهرین اصل سیماسینین، تاریخی و مدنیت عابده‌لرینین برپاسینا استارت وئریلیب.

سوندا جیدیر دوزونه گلن قوناقلار اسرارانگیز طبیعت و منظره‌نی سئیر ائدیبلر.

تاریخ
2023.10.31 / 22:24
مولف
Axar.az
دیگر خبرلر

آمریکا-یلا اونا گؤره دانیشیقلار آپاریریق کی... - پزشکیان

ایران و آمریکا اوریژینال ایدئیالاری مذاکره ائتدی - عمان

ایران‌دان نووه دانیشیقلاری ایله باغلی آچیقلاما...

آمریکا و ایران آراسیندا گؤروش باشا چاتدی

ایرانلی ناظیره جانلی یاییمدا «دونوز» دئدیلر - قالماقال

پرزیدنت بو سؤزلری دئیرکه‌ن کؤورلدی - ویدئو

ایلهام علیئو اونلاری آیاق‌اوسته آلقیشلادی - ویدئو

پرزیدنت‌دن مهم مساژ: بیزیمله حسابلاشمایان...

بو تورپاقلارین صاحبی همیشه بیز اولموشوق...

بایراموودان قضایا دوشن آذال طیاره‌سی ایله باغلی آچیقلاما

خبر خطّی
Axar.az'da reklam Bağla
Reklam
Bize yazin Bağla