آذربایجانین قوشولماما حرکاتینین قادینلار پلاتفورماسینین یارادیلماسی تکلیفی دستکلنیب.

Axar.az خبر وئریر کی، بو باره‌ده قوشولماما حرکاتینین «قادینلارین حقوقلارینین انکشاف ائتدیریلمه‌سی و صلاحیتلرینین آرتیریلماسی» مؤوضوسوندا باکی‌دا کئچیریله‌ن کنفرانسینین بیاننامه‌سینده قید اولونوب.

کنفرانس اشتراک‌چیلاری همچینین قوناق‌پرورلییه و نویابرین ۲۰-۲۱-ده قوشولماما حرکاتینین قادینلارین حقوقلارینین تشویقی اوزره ایلک کنفرانسینا ائو صاحبلیی ائتدیینه گؤره آذربایجان حکومتینه میننتدارلیقلارینی بیلدیریبلر.

بیاننامه‌ده، همچینین گله‌جکده قوشولماما حرکاتینین پروگرامی کیمی انسان حقوقلارینین و قادینلارین صلاحیتلرینین آرتیریلماسینین داها دا انکشاف ائتدیریلمه‌سی عهده‌لیی بیر داها تصدیقلنیب و قادینلارین انکشافی و اونلارین حقوقلارینین حیاتا کئچیریلمه‌سی ساحه‌سینده پروبلملرین حلی اوچون سیاسی اراده بیر داها تصدیقلنیب.

کنفرانس اشتراک‌چیلاری همچینین قادینلارا قارشی زوراکیلیغین بوتون فورمالاری تمامیله آرادان قالدیریلانا قدر سعیلری بیرلشدیرمه‌یه و مبارزه‌نی داوام ائتدیرمه‌یه صادق اولدوقلارینی بیر داها تصدیق ائدیبلر.

قید ائدک کی، قوشولماما حرکاتینین قادینلار پلاتفورماسینین یارادیلماسی آذربایجانین قوشولماما حرکاتینا صدرلیی چرچیوه‌سینده ایر‌لی سوردویو اوچونجو تشببوسدور. آذربایجانین تشببوسو ایله همچینین قوشولماما حرکاتینین پارلامنت شبکه‌سی و قوشولماما حرکاتینین گنجلر تشکیلاتی دا یارادیلیب. آذربایجان پرزیدنتی ایلهام علیئوین تشببوسو ایله تشکیل اولونان بو فورمات قوشولماما حرکاتینین بین‌الخالق عالم‌ده ایمیجینین داها دا یوکسلدیلمه‌سی اوچون نظرده توتولوب.