ایرواندا «آرتساخ پارلامنتینین اجلاسی» باش توتوب. تدبیر گیزلی شکیلده کئچیریلیب. بو باره‌ده «رسمی» معلومات یوخدور. بوتون «میلت وکیللری» اشتراک ائدیب، «میلت وکیلیری» ۲ یئنی «میلت وکیلی» قبول اولونوب.

Axar.az خبر وئریر کی، بو باره‌ده روسییالی پوبلیسیست سرگئی کارناوخوو اؤز تلگرام کانالیندا معلومات یاییب.

«اجلاس زمانی «آرتساخ‌دان اولان قاچقینلارین» بین‌الخالق پلاتفورمالار واسطه‌سیله ائولرینه قاییتماسینا نایل اولماق اوچون «ایشچی گروپو» یارادیلیب. ایروان حکومتینین بوتون نماینده‌لرینین بونون قطعی شکلده علیه‌اینه اولدوغونو و «آرتساخ‌دا حاکمیت اینستیتوتلارینین» ساخلانماسینین ارمنیستانین میللی تهلوکه‌سیزلیینه تهدید اولدوغونو بیان ائتدیینی وورغولاماق دا واجبدیر. «آرتساخ»ین اؤزو اوچون «قاچقینلارین» قاییتماسی بیر چوخ پروبلملری حل ائده بیلر. خصوصیله، آذربایجان یئرلی اهالینین تهلوکه‌سیزلیینی، اونلارین یئنی شرایط‌ده مدنی و دینی اینتگراسییا امکانلارینی تامین ائتمک اوچون تدبیرلر گؤرمه‌لی اولاجاق. عینی زماندا، باکی ایکی خالقین دینج یاناشی یاشاماسی اوچون پروگراملاری دوشونمه‌لی و حیاتا کئچیرمه‌لی اولاجاق».