آذربایجان پرزیدنتی ایلهام علیئوین سئچکیلرله باغلی قرارینین باکی ایله ایروان آراسیندا صولح مقاویله‌سینین امضالانماسینا تأثیر ائدجیینی دوشونموره‌م. آذربایجان سیرادان بیر دؤلت دئییل. سیرادان بیر جغرافییادا دا یئرلشمه‌ییب.

بو سؤزلری Axar.az-آ آچیقلاماسین‌دا تورکییه‌نین اؤلکه‌میزده‌کی کئچمیش حربی آتاشه‌سی، گنرال یوجئل کاراوز دئییب.

ایلهام علیئوین خاقینین منافعینی دوشونه‌ن لیدر اولدوغونو دئیه‌ن کاراوز بیلدیریب کی، دؤولت باشچیسی قرارلارینی دا بونا گؤره حسابلاییر:

«بؤیوک ایمپریالیست گوجلر هر زامان آذربایجانین گوجونو آزالتماق اوچون فورصت آختاریبلار. آذربایجانی داخیلی پروبلملری ایله مباریزه آپارماغا سؤوق ائتمه‌یه چالیشیبلار. لاکین ایلهام علیئو بوتون بونلارین اولماسینا فرصت وئرمیر. اونون سئچکیلرله باغلی بو قرارینی خالقین دستیینی یئنی‌دن یوکسک سوییه‌ده قازانماق، اوزاق گؤرن، عقل‌لی، قانونی، دوستلارلا امکداشلیغا اساس‌لانان سیاستی سرعتلندیرمک اوچون اجتیماعیتین دستیینه مراجعت کیمی قیمتلندیریرم.

بو سئچکیلرده ده آذربایجان خالقینین عالی باش کماندانا و قاراباغ ظفرینین معمارینا یوکسک فایزله سس وئرجیینه اینانیرام. بودفعه‌کی سئچکی اؤنم داشیییر. چونکی آذربایجان مستقیل‌لیینی قازاندیقدان سونرا ایلک دفعه اؤز تورپاغی اولان قاراباغلا بیرگه سئچکیلر کئچیره‌جک. بو، چوخ بؤیوک بیر غروردور».